love couples : பெஸ்ட் காதல் ஜோடி என பெயர் எடுக்கும் ராசிக்காரர்கள்

அனைவருக்கும் காதல் மலர்ந்தாலும், புரிதல் இல்லாவிட்டால் அது நீடிப்பதில்லை. ஆனால், சில ராசிக்காரர்கள் இயற்கையிலேயே காதலில் அதிக உறுதியுடனும் உண்மையுடனும் இருப்பார்கள். அவர்கள் தங்கள் துணையை பிரியாமல் ஆயுள் வரை காதலைத் தொடர்வார்கள்.

மேஷம் - துலாம்:

மேஷ ராசியின் ஆளுமைத் திறனும், துலாம் ராசியின் சமநிலைப் பண்பும் இணையும் போது அங்கு காதல் அரியணையில் அமர்கிறது. மேஷத்தின் வேகத்திற்கு, துலாம் ராசிக்காரர்கள் நிதானத்தை கற்றுக் கொடுப்பார்கள். மேஷத்தின் கோபத்தை, துலாம் தனது புன்னகையால் வெல்லும் போது, இவர்கள் என்றும் வீழாத சிறந்த ஜோடியாக வலம் வருவார்கள்.

ரிஷபம் - கன்னி:

யதார்த்தமான வாழ்க்கையை விரும்பும் இரு ராசிகள் இணைந்தால் அங்கு காதலும் கடமையும் கண்ணியமும் தவறாமல் இருக்கும். ரிஷபத்தின் பிடிவாதத்தை கன்னியின் புத்திசாலித்தனம் அன்பால் மாற்றும். இவர்களின் காதல் பகட்டானதாக இருக்காது. ஆனால் ஒருவருக்கொருவர் தரும் பாதுகாப்பு உணர்வில் இவர்களை விடச் சிறந்த ஜோடியைக் காண்பது அரிது.

மிதுனம் - கும்பம்:

இருவருமே அறிவுப்பூர்வமான உரையாடல்களையும் சுதந்திரத்தையும் விரும்புபவர்கள். மிதுனத்தின் கலகலப்பான பேச்சுக்கு, கும்பத்தின் ஆழமான சிந்தனை சிறந்த வடிகாலாக அமையும். இவர்களது காதலில் சலிப்பு என்ற வார்த்தைக்கே இடமிருக்காது. எப்போதும் புதுமைகளைப் புகுத்தி காதலை இளமையாக வைத்திருப்பதே இவர்களின் ரகசியம்.

கடகம் - விருச்சிகம்:

உணர்ச்சிகளின் உச்சகட்ட சங்கமம் இந்த ஜோடி. கடக ராசியின் அளவற்ற பாசமும், விருச்சிக ராசியின் தீவிரமான காதலும் இணையும் போது வார்த்தைகளே தேவையில்லை; பார்வைகளே பேசிக்கொள்ளும். பரஸ்பர நம்பிக்கையும், துரோகம் நினைக்காத குணமும் இவர்களை உலகமே வியக்கும் உன்னத காதல் ஜோடியாக மாற்றுகிறது.

சிம்மம் - தனுசு:

ஆற்றலும் உற்சாகமும் நிறைந்த ஜோடி இது. சிம்மத்தின் கம்பீரத்தை தனுசு ராசியின் தாராள மனப்பான்மை அழகாகக் கையாளும். இருவரும் இணைந்து வாழ்க்கையை ஒரு கொண்டாட்டமாக மாற்றுவார்கள். ஒருவருடைய லட்சியத்திற்கு மற்றொருவர் உறுதுணையாக நின்று, வெற்றியை ஜோடியாகக் கொண்டாடுவதில் இவர்கள் தனித்து விளங்குவார்கள்.