98 வயதில் உயிரிழந்த பழம்பெரும் நடிகை - சோகத்தில் திரையுலகம்

பாலிவுட்டின் பழம்பெரும் நடிகையான காமினி கௌஷல் 98 வயதில் காலமானார். அவர் சுமார் 9 தசாப்தங்களாக திரையுலகில் குறிப்பிடத்தக்க பங்களிப்பை வழங்கியுள்ளார்.  

இந்தியாவின் மூத்த நடிகையும், சூப்பர் ஸ்டார் தர்மேந்திராவின் முதல் கதாநாயகியுமான காமினி கௌஷல் காலமானார். 98 வயதில் அவர் உயிரிழந்தார். அவர் வயது மூப்பு தொடர்பான நோய்களால் அவதிப்பட்டு வந்தார். காமினி பாலிவுட்டின் ஒரு மூத்த நடிகை, அவர் சுமார் 9 தசாப்தங்களாக திரைப்படங்களில் நடித்து வந்துள்ளார். ஆச்சரியம் என்னவென்றால், அவர் இறப்பதற்கு மூன்று ஆண்டுகளுக்கு முன்புதான் அவரது கடைசி படமான 'லால் சிங் சத்தா' வெளியானது, அதில் அமீர் கான் முக்கிய வேடத்தில் நடித்திருந்தார். இந்தப் படத்தில் அவர் ஒரு சிறப்பு தோற்றத்தில் நடித்திருந்தார்.

தர்மேந்திராவின் முதல் ஜோடியாக காமினி கௌஷல்

காமினி கௌஷல் 'இஷ்க் பே சோர் நஹி' போன்ற படங்களில் தர்மேந்திராவுடன் பணியாற்றியுள்ளார். சில ஆண்டுகளுக்கு முன்பு, தர்மேந்திரா காமினியுடனான தனது முதல் சந்திப்பு பற்றி இன்ஸ்டாகிராமில் எழுதியிருந்தார், “முதல் படமான 'ஷஹீத்' படத்தின் கதாநாயகி காமினி கௌஷலுடன் முதல் சந்திப்பின் புகைப்படத்தை பதிவிட்டு, இருவரின் முகங்களிலும் அப்பாவித்தனம்... ஒரு அன்பான அறிமுகம்” என குறிப்பிட்டு இருந்தார் தர்மேந்திரா.

காமினி கௌஷல் தனது 9 தசாப்த கால திரை வாழ்க்கையில் சுமார் 90 படங்களில் நடித்துள்ளார். அவரது பிரபலமான படங்களில் 'நீச்சா நகர்' (1946), 'தோ பாய்' (1947), 'ஷஹீத்' (1948), 'நதியா கே பார்' (1948), 'படே சர்க்கார்' (1957), 'ஷஹீத்' (1965), 'உப்கார்' (1967), 'பூர்வ அவுர் பஸ்சிம்' (1970), 'சந்தோஷ்' (1989), 'சென்னை எக்ஸ்பிரஸ்' (2013) மற்றும் 'கபீர் சிங்' (2019) ஆகியவை அடங்கும். இணையத்தில் கிடைக்கும் தகவல்களின்படி, காமினி கௌஷலுக்கு ஷ்ரவன், விதுர் மற்றும் ராகுல் சூட் ஆகிய மூன்று மகன்கள் உள்ளனர்.