‛பீஸ்ட்’ விஜய் எடுத்த ‛மெர்சல்’ போட்டோ... டுவிட்டரில் பகிர்ந்து ‛பிகில்’ கிளப்பிய ‛மாஸ்டர்’ இயக்குனர்

விஜயின் ஆஸ்தான இயக்குனராக மாறிப்போனா அட்லீ, லோகேஷ் கனகராஜ் மற்றும் நெல்சன் மூவரையும் இளையதளபதி விஜய் புகைப்படம் எடுத்துள்ளார்..

நடிகர் விஜயின் ஹிட் படங்களான தெறி, மெர்சல், பிகில், என வரிசையாக ஹிட் படங்களை கொடுத்தவர் இயக்குனர் அட்லீ.. மீண்டும் இவர்கள் இருவரும் இணைந்து ரசிகர்களுக்கு விருந்து படைப்பார்கள் என கருதிய நிலையில் கைதி இயக்குனர் லோகேஷ் கனகராஜுடன் விஜய் கைகோர்த்தார்.. இவர்களது கூட்டணியில் உருவாகிய மாஸ்டர் டெரிபிக் வெற்றி பெற்றது.. சிறுவர் சீர்திருத்த பள்ளியில் வாத்தியாராக களமிறங்கும் விஜய்.. சிறுவர்களை திசை திருப்பும் விஜய் சேதுபதி என ரசிகர்களுக்கு போதிய தீனியை கொடுத்திருந்தார் லோகேஷ் கனகராஜ்..

கைதி பட இயக்குனர் லோகேஷ் கனகராஜ் இயக்கத்தில் வெளியான இந்த படம் நல்ல வெற்றியை பெற்று கொடுத்தது. இதை தொடர்ந்து கோலமாவு கோகிலா, டாக்டர் உள்ளிட்ட ஹிட் படங்களை கொடுத்துள்ள நெல்சன் இயக்கத்தில் 'பீஸ்ட்' படத்தில் விஜய் நடித்து வருகிறார். இதில் விஜய்க்கு ஜோடியாக  பூஜா ஹெக்டே, மூன்று வில்லன்களில் ஒருவராக செல்வராகவன் இவர்களுடன் யோகி பாபு உள்ளிட்டோரும் இணைந்து நடித்து வருகின்றனர்.

மிகப்பெரிய பொருட்செலவில் உருவாகும்  இந்த படத்தை சன்பிக்சர்ஸ் தயாரித்து வருகிறது. நெல்சனின் ஆஸ்தான இசையமைப்பாளரான அனிரூத் 'பீஸ்ட்' படத்திற்கும் இசையமைக்கிறார்.  ஜார்ஜியா, சென்னை, டெல்லியென பிரமாண்ட செட்களுடன் உருவாகி வரும் இந்த படம் வரும் ஏப்ரலில் திரைக்கான உள்ளது.

இதற்கிடையே விஜய் தனது 66 வது படத்திற்காக தெலுங்கு இயக்குனர் மற்றும் தெலுங்கு தயாரிப்பாளருடன் கைகோர்த்துள்ளார். இந்த புதிய படத்தை இயக்கவுள்ள வம்சி பைடிபல்லி தமிழுக்கு புதிய  இயக்குனர் இல்லை. இவர் ஏற்கனவே கடந்த 2016-ம் ஆண்டு நாகார்சூனா, கார்த்திக் நடிப்பில் வெளியான தோழா படத்தை இயக்கியுள்ளார். தமிழ், தெலுங்கு என இரு மொழிகளிலும் ஹிட் அடித்த இந்த படம் முழுக்க முழுக்க எமோஷன் கலந்த கமர்ஷியல் படமாகவே இருந்தது. அதோடு வம்சி இயக்கத்தில் வெளியாகிய பிருந்தாவனம், மகரிஷி உள்ளிட்ட படங்கள் எமோஷன் சார்ந்த கதைக்களத்தையே கொண்டிருந்தன. அதன்படி விஜயின் 66 திரைப்படமும் கமர்ஷியல் படமாக இருக்க கூடும் என எதிர்பார்க்கப்பட்டிருந்தது. 

இந்நிலையில் இயக்குனர் அட்லீ, லோகேஷ் கனகராஜ், நெல்சன் , விஜய் ஆகியோரின் சந்திப்பின் போது எடுத்துக்கொண்ட புகைப்படத்தை லோகேஷ் கனகராஜ் பகிர்ந்துள்ளார்.. அதில் தனது சமீபத்திய வெற்றியை அள்ளித்தந்த மூன்று இயக்குனர்களை வைத்து நடிகர் விஜய் பிக் எடுத்துள்ளார்....