கிரேட் ஃபாதரை வீழ்த்திய வில்லன்; மீண்டும் சூப்பர் ஸ்டாரின் கொடி பறக்குது…

The villain who beat the Great Father Super flag flick again

கேரளாவில் வசூலில் ‘தி கிரேட் ஃபாதர்’ படத்தின் சாதனையை, ‘வில்லன்’ படம் முறியடித்து கர்ஜிக்கிறது.

மலையாள சினிமாவைப் பொறுத்தவரை முதல்நாள் வசூலில் முதல் இடத்தை நீண்ட நாள்களாக தக்க வைத்திருந்தவர் நடிகர் மோகன்லால்.

ஆனால், இந்த வருடம் மலையாளத்தில் வெளியான மம்முட்டியின் ‘தி கிரேட் ஃபாதர்’ படத்தின் முதல் நாள் வசூல் 4.31 கோடி என்கிற எல்லையைத் தொட்டு முதல் இடத்தைப் பிடித்திருந்தது. இது மோகன்லாலின் ‘புலி முருகன்’ பட சாதனையை விட அதிகம்.

இதனால் மோகன்லால் ரசிகர்கள் பலருக்கு வருத்தம் இருந்தது. கடந்த செப்டம்பரில் வெளியான மோகன்லாலின் ‘வெளிப்பாடிண்டே புஸ்தகம்; படம் அந்த சாதனையை முறியடிக்க தவறியது ரசிகர்களை இன்னமும் சோகத்தில் ஆழ்த்தியது.

இந்த நிலையில் சமீபத்தில் வெளியான ‘வில்லன்’ படம் 4.91 கோடி ரூபாயை வசூல் செய்து மம்முட்டியின் தி கிரேட் ஃபாதர் படத்தின் சாதனையை முறியடித்துள்ளது.

இதனால் மலையாளத்தின் சூப்பர் ஸ்டார் மீண்டும் கர்ஜிக்க ஆரம்பித்துள்ளார். இந்த வசூல் சாதனையால் மோகன்லால் மற்றும் அவரது ரசிகர்களும் இரட்டை மடங்கு சந்தோசத்தை அனுபவிக்கின்றனர்.