அதர்வாவின் 'தள்ளி போகாதே' படத்தின் சென்சார் தகவல் வெளியானது..!

இயக்குனர் கண்ணன் இயக்கத்தில், ஏற்கனவே அதர்வா, 'பூமராங்' படத்தில் நடித்துள்ள நிலையில், அதை தொடர்ந்து நடித்துள்ள திரைப்படம் 'தள்ளிப்போகாதே'. இந்த படத்தில் அதர்வாவுக்கு ஜோடியாக, நீண்ட இடைவெளிக்கு பின், நடிகை அனுபமா பரமேஸ்வரன் நடித்துள்ளார்.

'தள்ளிப்போகாதே' திரைப்படத்தின் ஷூட்டிங் பணிகள் ஏற்கனவே நிறைவடைந்து விட்டாலும், போஸ்ட் புரோடக்ஷன் பணிகள் மீதம் இருந்தது. இதையும் தற்போது, படக்குழு துரிதமாக முடித்து விட்டு, சென்சாருக்கு அனுப்பி இருந்தனர். இதை தொடர்ந்து தற்போது இந்த படத்தை பார்த்த சென்சார் அதிகாரிகள் யு/ஏ சான்றிதழ் வழங்கியுள்ளனர். மேலும் விரைவில் ரிலீஸ் குறித்த தகவலும் வெளியாகும் என எதிர்பார்க்கப்படுகிறது.

இந்த படத்திற்கு கோபி சுந்தர் இசையமைத்துள்ளார். எனினும் தற்போது தமிழகத்தில் திரையரங்குகள் மீண்டும் கொரோனாவின் இரண்டாவது அலை காரணமாக மூடப்பட்டுள்ளதால் இந்த படம் திரையரங்குகளில் ரிலீஸ் ஆகுமா? அல்லது ஓடிடியில் ரிலீஸ் ஆகுமா? என்பதை பொறுத்திருந்து தான் பார்க்கவேண்டும். 

'தள்ளி போகாதே' படத்தை இயக்கியுள்ள இயக்குனர் கண்ணன், இதற்க்கு 'ஜெயம் கொண்டான்' என்ற திரைப்படத்தின் மூலம் இயக்குனராக அறிமுகமானவர், அதை தொடர்ந்து 'கண்டேன் காதலை' 'சேட்டை', 'இவன் தந்திரன்', 'பூமராங்', உள்ளிட்ட திரைப்படங்களை இயக்கினார். தள்ளி போகாதே படத்தை தொடர்ந்து 'எரியும் கண்ணாடி' என்கிற படத்தையும் இயக்கியுள்ளார் என்பது குறிப்பிடத்தக்கது.