அப்பாவுடன் சேர்ந்து பாலாவுக்கு தங்க சங்கிலியை பரிசளித்த சூர்யா!

Suriya Gift Gold Chain To Director Bala for his 25 Years Cinema Life: வணங்கான் இசை வெளியீட்டு விழாவில் இயக்குநர் பாலாவிற்கு சூர்யா தங்க சங்கிலியை பரிசளித்த புகைப்படம் வைரலாகி வருகிறது.

Suriya Gift Gold Chain To Director Bala for his 25 Years Cinema Life : இயக்குநர் பாலா இயக்கத்தில் அருண் விஜய் நடிப்பில் உருவாகியுள்ள படம் வணங்கான். சூர்யா நடிக்க இருந்த இந்தப் படத்தில் பாலா மற்றும் சூர்யா இடையில் ஏற்பட்ட கருத்து வேறுபாடு காரணமாக சூர்யா இந்தப் படத்திலிருந்து விலகினார். இதன் காரணமாக அருண் விஜய்க்கு இந்த படத்தில் நடிக்கும் வாய்ப்பு கிடைத்தது. இப்போது வெற்றிகரமாக நடித்தும் முடித்துள்ளார். அண்மையில் இந்தப் படத்தின் பிரீமியர் ஷோவை பார்த்த அருண் விஜய்யின் குடும்பத்தினர் கண்ணீர் மல்க அவருக்கு வாழ்த்து தெரிவித்திருந்தனர்.

இந்த நிலையில் தான் இந்த படத்தின் இசை வெளியீட்டு விழா இன்று சென்னையில் நடைபெற்றது. இதில், நடிகர் சூர்யா, சிவக்குமார், மணிரத்னம், சிவகார்த்திகேயன், சமுத்திரக்கனி, ஜிவி பிரகாஷ் குமார், மன்சூர் அலி கான் ஆகியோர் உள்பட வணங்கான் நடிகர், நடிகைகள் பலரும் கலந்து கொண்டனர். அப்போது பேசிய நடிகர் சிவகார்த்திகேயன் கூறியிருப்பதாவது: அருண் விஜய்யின் அர்ப்பணிப்பு தான் உண்மையான வெற்றி. வணங்கான் உங்களுக்கு மைல் கல்லாக அமைய வேண்டும் என்று வாழ்த்துகிறேன் என்று கூறியிருக்கிறார்.

அருண் விஜய் பேசும் போது, வணங்கான் படத்தில் நடிக்க வாய்ப்பு வந்த போது நான் முதலில் சூர்யாவுக்கு போன் செய்தேன். எனக்கு கின் சிக்னல் கொடுத்தது அவர் தான். ஆதலால் அவருக்கு நன்றி தெரிவித்தேன் என்றார். பாலா பேசும் போது, சூர்யா எனக்கும் தம்பி மாதிரி. நான் செய்யும் தவறுகளை என்னிடம் சொல்லும் துணிச்சலும், தைரியமும் அவருக்கு மட்டுமே இருக்கு. அவர் முன்பு நான் சிகரெட் குடிக்கவே மாட்டேன். என்னை விட என் மீது அதிக அக்கறை கொண்டவர் அவர் தான் என்றார்.

இந்த நிலையில் தான் இயக்குநர் பாலாவின் 25 ஆண்டுகால சினிமா வாழ்க்கையை பாராட்டும் வகையிலும், வாழ்த்து தெரிவிக்கும் வகையிலும் சூர்யா மற்றும் சிவக்குமார் இணைந்து பாலாவிற்கு தங்க சங்கிலியை பரிசாக அணிவித்துள்ளனர். வரும் 2025 ஆம் ஆண்டு பொங்கல் பண்டிகையை முன்னிட்டு ஜனவரி 25 ஆம் தேதி வணங்கான் படம் திரைக்கு வர இருக்கிறது. அன்று தான் அஜித் நடிப்பில் உருவான குட் பேட் அக்லீ படமும் திரைக்கு வர இருக்கிறது என்பது குறிப்பிடத்தக்கது.