அழகுக்காக 29 அறுவை சிகிச்சைகள் செய்துகொண்ட லேடி சூப்பர்ஸ்டார் - யார் தெரியுமா?

திரைப்படத் துறையில் நட்சத்திரங்கள் அழகுக்காக அறுவை சிகிச்சைகள் செய்து கொள்வது மிகவும் பொதுவானது. ஒரு நடிகை 29 அறுவை சிகிச்சைகள் செய்து கொண்டதாக கூறப்படுகிறது. அந்த நடிகை யார் என்பதை பார்க்கலாம்.

Actress Sridevi beauty secrets : சினிமா பிரபலங்கள் அழகாகத் தெரிய வேண்டும் என்பதில் அதீத கவனம் செலுத்துவார்கள். குறிப்பாக நடிகர்கள் சிக்ஸ் பேக்குடனும், நடிகைகள் ஜீரோ பேக்குடனும் தோன்ற வேண்டும் என்று அவர்களின் ரசிகர்கள் விரும்புகிறார்கள். நட்சத்திரங்கள் தங்கள் அழகைப் பாதுகாக்க ஏதாவது ஒரு அறுவை சிகிச்சை செய்து கொள்வது இப்போதெல்லாம் சகஜமாகிவிட்டது. மூக்கு, முகம், உதடுகள் என அழகுக்காக பல அறுவை சிகிச்சைகள் உள்ளன. இந்த வரிசையில் ஒரு நடிகை அழகுக்காக 29 அறுவை சிகிச்சைகள் செய்து கொண்டதாகத் தெரிகிறது.

அந்த நடிகை வேறுயாருமில்லை; 1980களில் லேடி சூப்பர்ஸ்டாராக வலம் வந்த ஸ்ரீதேவி தான். இந்திய திரைப்பட வரலாற்றில் அழகின் சிகரமாகக் கருதப்படும் ஸ்ரீதேவி, தனது திரைத் தோற்றத்தால் கோடிக்கணக்கானவர்களை கவர்ந்தார். நடிகையாக உயர ஸ்ரீதேவி கடுமையாக உழைத்தார். ஸ்ரீதேவியின் வாழ்க்கையில் பல அற்புதங்கள் நிறைந்துள்ளன. தற்போது அவரது வாழ்க்கையைப் பற்றிய சில சுவாரஸ்யமான தகவல்கள் வெளிவந்துள்ளன.

அழகுக்காக அறுவை சிகிச்சை செய்த ஸ்ரீதேவி

ஸ்ரீதேவி தனது அழகைப் பாதுகாக்க வாழ்நாள் முழுவதும் 29 அறுவை சிகிச்சைகள் செய்து கொண்டதாக கூறப்படுகிறது. லேசர் ஸ்கின் சர்ஜரி, சிலிக்கான் பிரெஸ்ட் ட்ரீட்மென்ட், ஃபேஸ் லிஃப்ட் போன்ற சிகிச்சைகள் இதில் அடங்கும். அவர் இறப்பதற்கு சில நாட்களுக்கு முன்பு உதடு அறுவை சிகிச்சை செய்து கொண்டதாகவும் கூறப்படுகிறது. இதில் எவ்வளவு உண்மை என்று தெரியவில்லை, ஆனால் அவர் அழகுக்காக அறுவை சிகிச்சை செய்துகொண்டார் என ஸ்ரீதேவி இறந்தபோது இயக்குனர் ராம்கோபால் வர்மா கூறி இருந்தார் என்பது குறிப்பிடத்தக்கது.

1950 இல் சிவகாசி அருகே உள்ள ஒரு கிராமத்தில் பிறந்த ஸ்ரீதேவி, குழந்தை நட்சத்திரமாக திரைப்படத் துறையில் நுழைந்து, பாலிவுட், டோலிவுட், கோலிவுட் என அனைத்து முன்னணி திரையுலகிலும் சிறந்து விளங்கினார். அழகாலும், நடிப்பாலும் ரசிகர்களை மயக்கினார் ஸ்ரீதேவி. 1980 களில் அவரது புகழ் எந்த அளவுக்கு இருந்தது என்றால், முன்னணி நடிகர்களுக்கு இணையாக ஸ்ரீதேவியை நடத்தினர். நடிகராக இருந்தாலும் சரி, இயக்குநராக இருந்தாலும் சரி, தயாரிப்பாளராக இருந்தாலும் சரி, அனைவரும் ஸ்ரீதேவியின் தேதிகளுக்காக காத்திருந்தனர்.

ஸ்ரீதேவியின் சர்ச்சைக்குரிய மரணம்

ஸ்ரீதேவி நடித்த படங்களுக்கு நாடு முழுவதும் வரவேற்பு கிடைத்தது. ஸ்ரீதேவி படம் அறிவிக்கப்பட்டதும், பெரிய அளவில் வியாபாரம் நடக்கும். முன்னணி நடிகர்களுக்கு மட்டுமே கிடைக்கும் பரபரப்பையும், ரசிகர் பட்டாளத்தையும் ஸ்ரீதேவி ஒரு நடிகையாகப் பெற்றார். ஸ்ரீதேவியின் நடிப்பு எந்த அளவுக்கு அற்புதமானது என்றால், அவர் திரையில் தோன்றும் ஒவ்வொரு காட்சியையும் ஒரு காட்சி விருந்தாக மாற்றுவார்.

தனது மூத்த மகள் ஜான்வி கபூரை நடிகையாக அறிமுகப்படுத்த வேண்டும் என்று ஸ்ரீதேவி விரும்பினார். ஆனால் ஜான்வியை நடிகையாகப் பார்க்காமலேயே காலமானார். ஸ்ரீதேவி 2018ம் ஆண்டு பிப்ரவரி 24ந் தேதி அன்று துபாயில் சந்தேகத்திற்குரிய சூழ்நிலையில் காலமானார். அவரது மரணம் நாடு முழுவதும் பெரும் சோகத்தை ஏற்படுத்தியது. ஆனால் அவரது திரைப்பயணமும், தியாகங்களும் ரசிகர்கள் மனதில் ஸ்ரீதேவிக்கு நீங்காத இடத்தைப் பிடித்துள்ளன.