விறுவிறுப்பாக நடந்து வரும் சின்னத்திரை நடிகர் சங்க தேர்தல்!
சுருக்கம்
சின்னத்திரை நடிகர் சங்க நிர்வாகிகள் பதவிக்காலம் 3 ஆண்டுகளாகும். தற்போது சின்னத்திரை நடிகர் சங்கத்தின் தலைவராக இருந்த சிவன் ஸ்ரீநிவாசன் பதவிக்காலம் முடிந்ததை தொடர்ந்து புதிய நிர்வாகிகளை தேர்வு செய்ய, சென்னை விருகம்பாக்கத்தில் உள்ள ஏ.கே.ஆர் மஹாலில் இன்று தேர்தல் விறுவிறுப்பாக நடைபெற்று வருகிறது.
சின்னத்திரை நடிகர் சங்க நிர்வாகிகள் பதவிக்காலம் 3 ஆண்டுகளாகும். தற்போது சின்னத்திரை நடிகர் சங்கத்தின் தலைவராக இருந்த சிவன் ஸ்ரீநிவாசன் பதவிக்காலம் முடிந்ததை தொடர்ந்து புதிய நிர்வாகிகளை தேர்வு செய்ய, சென்னை விருகம்பாக்கத்தில் உள்ள ஏ.கே.ஆர் மஹாலில் இன்று தேர்தல் விறுவிறுப்பாக நடைபெற்று வருகிறது.
காலை 8 மணிக்கு தொடங்கிய வாக்கு பதிவு, மாலை 5 மணிக்கு முடிவடைகிறது. இதில் சின்னத்திரை நடிகர் சங்கத்தில் உள்ள 1200 வாக்காளர்களும் தங்களுடைய வாக்கை பதிவு செய்து வருகிறார்கள்.
இந்த தேர்தலில், சின்னத்திரை நடிகர் சங்க தலைவர் பதவிக்கு நடிகை நிரோஷா, சிவன் சீனிவாசன், ரவிவர்மா, போஸ் வெங்கட், ஆகியோர் போட்டியிடுகின்றனர்.
நிரோஷா அணியில், பரத் செயலாளர் பதவிக்கும், ஸ்ரீதர் பொருளாளர் பதவிக்கும், பி.டி.தினகரன், கன்யா பாரதி ஆகியோர் துணை தலைவர் பதவிக்கும், விஜய் ஆனந்த், ரவீந்திரன், மோனிகா, முனிஸ் ராஜா, ஆகியோர் இணை செயலாளர் பதவிக்கும் போட்டி இடுகின்றனர்.
சிவன் சீனிவாசன் அணியில், செயலாளர் பதவிக்கு பரத் கல்யாண், துணைத்தலைவராக ராஜசேகர், மனோபாலா, பொருளாளராக ஸ்ரீவித்யா, இணைச் செயலாளராக தளபதி தினேஷ், எம்.டி.மோகன், கற்பகவல்லி, சவால் ராம் ஆகியோர் போட்டியிடுகின்றனர்.
போஸ் வெங்கட் அணியில் செயலாளராக பி.கே.கமலேஷ், துணை தலைவர் பதவிக்கு சோனியா ராஜா, பொருளாளராக நவீன், இணை செயலாளராக தாடி பாலாஜி, கே.கமல்ஹாசன் ஆகியோர் போட்டியிடுகின்றனர்.
14 பேர் கொண்ட செயற்குழு உறுப்பினர் பதவிக்கு நான்கு அணிகள் சார்பில் 56 பேர் போட்டியிடுகின்றனர். மொத்தம் 94 வேட்பாளர்கள் களத்தில் உள்ளனர். லியாகத் அலிகான், தம்பிதுரை ஆகியோர் தேர்தல் அதிகாரிகளாக இருந்து தேர்தலை நடத்துகின்றனர் என்பது குறிப்பிடத்தக்கது.
தமிழ் சினிமா (Tamil Cinema News), டிவி நிகழ்ச்சிகள் (Tamil TV Shows), செலிபிரிட்டி செய்திகள் மற்றும் சமீபத்திய அப்டேட்களுக்காக ஏஷ்யாநெட் தமிழ் நியூஸின் பொழுதுபோக்கு பிரிவை ஆராயுங்கள். சினிமா விமர்சனங்கள் (Tamil Movies Review), நட்சத்திரங்களின் நேர்காணல்கள், தொடர்களில் நடக்கும் ட்ராமா மற்றும் பொழுதுபோக்கு உலகின் டிரெண்ட்ஸ்பாட்டிங்குடன் எப்போதும் புதுப்பித்த நிலையில் இருங்கள். திரையரங்குப் பின்னணி கதைகள்,டிரெய்லர் வெளியீடுகள்மற்றும் ரெட் கார்பெட் தருணங்களை அறிந்து கொள்ளுங்கள்.