#BREAKING அடுத்த அதிர்ச்சி... பவுன்ராஜை தொடர்ந்து மற்றொரு காமெடி நடிகர் மரணம்...!

அதிலிருந்து மீள்வதற்கு மற்றொரு காமெடி நடிகர் மரணமடைந்ததாக செய்திகள் வெளியாகியுள்ளன. 

கோலிவுட்டில் திரையுலகைப் பொறுத்தவரை அடுத்தடுத்த மரணச் செய்திகள் வெளியாகி திரையுலகினரை நிலைகுலைய வைத்து வருகிறது. தமிழ் திரையுலகில் முன்னணி காமெடி நடிகரான விவேக் மாரடைப்பால் கடந்த ஏப்ரல் மாதம் 17ம் தேதி காலமானார். அந்த பெருஞ்சோகத்தில் இருந்து மீள்வதற்கு முன்னதாகவே கொரோனா தொற்றால் பாதிக்கப்பட்டு சிகிச்சை பெற்று வந்த, ஒளிப்பதிவாளரும், இயக்குநருமான கே.வி.ஆனந்த் ஏப்ரல் 30ம் தேதி சிகிச்சை பலனின்றி காலமானார். 

அதனைத் தொடர்ந்து பிரபல காமெடி நடிகரான பாண்டு கடந்த 6ம் தேதி கொரோனாவால் மரணமடைந்தார். மே 11ம் தேதி ‘கிணத்தைக் காணோம்’ காமெடி புகழ் நெல்லை சிவா மாரடைப்பால் உயிரிழந்தார். ‘கில்லி’ படத்தில் ஆதிவாசி கதாபாத்திரத்தில் நடித்த துணை நடிகர் மாறன் இரு தினங்களுக்கு முன்பு கொரோனாவுக்கு பலியானார். 

இதைத் தவிர ‘ஒவ்வொரு பூக்களுமே’ புகழ் கோமகன்,‘என்னடி முனியம்மா’ பாடல் புகழ் தெம்மாங்கு பாடகர் மற்றும் நடிகரான டி.கே.எஸ் நடராஜன். மாரி, தெறி உள்ளிட்ட படங்களில் நடித்த குணச்சித்திர நடிகர் செல்லதுரை என பட்டியல் நீண்டு மன பாரத்தை கூட்டியது. 

சற்று நேரத்திற்கு முன்பு கூட சிவகார்த்திகேயனின் வருத்தப்படாத வாலிபர் சங்கம், ரஜினி முருகன், சீமைராஜா ஆகிய படங்களில் காமெடி ரோலில் நடித்தவரும், இயக்குநர் பொன் ராமின் இணை இயக்குநருமான பவுன்ராஜ் மாரடைப்பால் மரணமடைந்தார். அதிலிருந்து மீள்வதற்கு மற்றொரு காமெடி நடிகர் மரணமடைந்ததாக செய்திகள் வெளியாகியுள்ளன. 

‘தில்லுக்கு துட்டு’,‘சதுரங்க வேட்டை’,‘காக்கி சட்டை’,‘கருப்பன்’ உள்ளிட்ட பல்வேறு படங்களில் காமெடி கதாபாத்திரங்களில் நடித்த ஐயப்பன் கோபி இன்று காலமானார். மரணத்திற்கான காரணம் கொரோனா தொற்றா? அல்லது உடல் நலக்குறைவா? என எவ்வித அதிகாரப்பூர்வ தகவலும் வெளியாகவில்லை.