Pathaan movie :திரும்பி வந்துட்டேனு சொல்லு.. 4 ஆண்டுகளாக காத்திருந்த ரசிகர்களுக்கு குட்நியூஸ் சொன்ன ஷாருக்கான்

Pathaan movie : பதான் படத்தை தொடர்ந்து அட்லீ இயக்கத்தில் உருவாகும் பாலிவுட் படத்தில் நடித்து வருகிறார் ஷாருக்கான். இப்படத்தில் அவருக்கு ஜோடியாக நயன்தாரா நடிக்கிறார்.

பாலிவுட்டில் முன்னணி நடிகராக வலம் வருபவர் ஷாருக்கான் (shah rukh khan). இவர் நடிப்பில் கடந்த 2018-ம் ஆண்டு வெளியான ஜீரோ திரைப்படம் படுதோல்வியை சந்தித்தது. பாக்ஸ் ஆபிஸிலும் வாரிவிட்டதால் கடும் அப்செட்டான ஷாருக்கான், அதன் பின் எந்த படங்களிலும் கமிட் ஆகாமல் இருந்து வந்தார். இதையடுத்து ஒராண்டு இடைவெளிக்கு பின் பதான் என்கிற படத்தில் நடிக்க ஒப்பந்தமானார்.

இப்படத்தில் ஷாருக்கானுக்கு ஜோடியாக நடிகை தீபிகா படுகோனே (deepika padukone) நடிக்கிறார். மேலும் பிரபல பாலிவுட் நடிகர் ஜான் ஆபிரஹாம் முக்கிய கதாபாத்திரத்தில் நடித்து வருகிறார். இப்படத்தை சித்தார்த் ஆனந்த் இயக்குகிறார். கொரோனா காரணமாக ஷூட்டிங் அவ்வப்போது தடைபட்டதால் இப்படம் குறித்து எந்தவித அப்டேட்டையும் கடந்த 2 ஆண்டுகளாக வெளியிடாமல் இருந்து வந்தனர்.

இந்நிலையில், தற்போது பதான் (Pathaan ) படத்தின் ரிலீஸ் தேதியுடன் கூடிய டீசரை படக்குழு வெளியிட்டுள்ளது. அதன்படி இப்படம் அடுத்தாண்டு ஜனவரி மாதம் 25-ந் தேதி குடியரசு தினத்தை முன்னிட்டு திரையரங்குகளில் வெளியாகும் என அதிகாரப்பூர்வமாக அறிவித்துள்ளனர். பதான் படம் தமிழ், தெலுங்கு மற்றும் இந்தியில் வெளியாகும் என குறிப்பிட்டுள்ளனர்.

பதான் படத்தை தொடர்ந்து அட்லீ இயக்கத்தில் உருவாகும் பாலிவுட் படத்தில் நடித்து வருகிறார் ஷாருக்கான் (shah rukh khan). இப்படத்தில் அவருக்கு ஜோடியாக நயன்தாரா நடிக்கிறார். இப்படத்திற்கு லயன் என பெயரிடப்பட்டு உள்ளதாக கூறப்படுகிறது. இப்படம் குறித்த அப்டேட்டும் விரைவில் வெளியாகும் என எதிர்பார்க்கப்படுகிறது.

இதையும் படியுங்கள்.... Suriya jyothika : சினிமாவில் மீண்டும் டூயட் பாட தயாராகும் சூர்யா - ஜோதிகா... அதுவும் யார் டைரக்‌ஷன்ல தெரியுமா?