பிறந்தநாளன்று சீமானின் இரண்டு படங்கள் ரிலீஸ்..! தாறுமாறாக கொண்டாடும் தம்பிகள்..!
சுருக்கம்
சீமான் நடித்த இரண்டு படங்கள் அவர் பிறந்தநாள் அன்று திரைக்கு வந்த நிலையில் அதை அவரது தம்பிகள் உற்சாகமாக கொண்டாடி வருகின்றனர்.
நாம் தமிழர் கட்சியின் தலைமை ஒருங்கிணைப்பாளர் சீமானுக்கு இன்று 53வது பிறந்தநாள். இதனால் சமூக ஊடங்கங்கள் முழுவதும் அக்கட்சியினர் வாழ்த்து தெரிவித்து வந்த வண்ணம் உள்ளனர். ட்விட்டரிலும் #HbdSeemanAnna என்கிற ஹாஸ்டக்கை அவரது தம்பிகள் பதிவிட்டு ட்ரெண்ட் ஆக்கி வருகின்றனர். கட்சியினர், திரை பிரபலங்கள் ஆகியோர் சீமானுக்கு வாழ்த்து தெரிவித்திருந்தனர்.
இதனிடையே சீமான் நடிப்பில் இன்று இரண்டு திரைப்படங்கள் வெளியாகி இருக்கிறது. தயாரிப்பாளர் சுரேஷ் காமாட்சி இயக்கத்தில், 'மிக மிக அவசரம்' திரைப்படம் இன்று வெளியிடப்பட்டுள்ளது. பெண் காவலர் ஒருவரின் ஒருநாள் பொழுதை மையமாக கொண்டு எடுக்கப்பட்டுள்ள இந்த படத்தில் போலீஸ் உயரதிகாரியாக சீமான் நடித்திருக்கிறார். அதே போல விவசாயிகளின் வலியையும் வாழ்வாதாரத்தையும் சித்தரிக்கும் 'தவம்' படத்தில் பள்ளி ஆசிரியராக சீமான் நடித்துள்ளார்.
சீமான் நடித்திருக்கும் இரண்டு திரைப்படங்களும் அவரது பிறந்தநாளான இன்று வெளியாகி இருப்பதால் அவரது தம்பிகள் தாறுமாறாக கொண்டாடி வருகின்றனர்.இருபடங்களையும் இன்று ஒரே நாளில் காண இருப்பதாக அக்கட்சியினர் பலர் சமூக ஊடகங்களில் பதிவிட்டிருந்ததை காணமுடிந்தது. இயக்குனராக தனது பயணத்தை தொடங்கிய சீமான் அவ்வப்போது படங்களில் நடித்து வந்தார். அரசியலுக்கு வந்த பிறகு அது முற்றிலும் குறைந்து போனது. இந்த நிலையில் அவர் தற்போது மீண்டும் படங்களில் நடிக்க ஆரம்பித்திருப்பது அவரது தம்பிகளை மகிழ்ச்சியில் ஆழ்த்தியிருக்கிறது.
தமிழ் சினிமா (Tamil Cinema News), டிவி நிகழ்ச்சிகள் (Tamil TV Shows), செலிபிரிட்டி செய்திகள் மற்றும் சமீபத்திய அப்டேட்களுக்காக ஏஷ்யாநெட் தமிழ் நியூஸின் பொழுதுபோக்கு பிரிவை ஆராயுங்கள். சினிமா விமர்சனங்கள் (Tamil Movies Review), நட்சத்திரங்களின் நேர்காணல்கள், தொடர்களில் நடக்கும் ட்ராமா மற்றும் பொழுதுபோக்கு உலகின் டிரெண்ட்ஸ்பாட்டிங்குடன் எப்போதும் புதுப்பித்த நிலையில் இருங்கள். திரையரங்குப் பின்னணி கதைகள்,டிரெய்லர் வெளியீடுகள்மற்றும் ரெட் கார்பெட் தருணங்களை அறிந்து கொள்ளுங்கள்.