தேசத்தின் உணர்வை ஊட்டும் விதமாக, வெளியாகியுள்ள 'உயிரே' பாடல் தற்போது கண்ணீர் வைக்கும் விதத்தில் உள்ளது.
Lyca Productions சார்பில். சுபாஸ்கரன் அல்லிராஜா மற்றும் DVV Entertainment சார்பில் தானய்யா இணைந்து தயாரித்துள்ள திரைப்படம் RRR. பாகுபலி திரைப்படத்தின் பிரமாண்ட வெற்றிக்கு பிறகு இயக்குநர் ராஜமௌலி இயக்கத்தில், தெலுங்கு சூப்பர் ஸ்டார்களான ஜூனியர் என் டி ஆர் மற்றும் ராம்சரண் ஆகியோர் இணைந்து நடித்திருக்கும் இந்த திரைப்படம், தெலுங்கு, தமிழ், கன்னடம், மலையாளம், இந்தி மொழிகளில் தயாராகியுள்ளது.
இப்படத்தில் இந்திய திரைத்துறையின் பல மொழிகளில் இருந்தும் பெரும் நட்டத்திரங்கள் இணைந்து நடித்துள்ளனர். பாலிவுட் நாயகி ஆலியா பட், நடிகர் அஜய் தேவ்கன், நடிகர் சமுத்திரகனி, ஸ்ரேயா உட்பட பல முன்னணி நட்சத்திரங்கள் இப்படத்தில் இணைந்து நடித்துள்ளனர்.
இப்படத்தின் அனைத்து பணிகளும் முடிக்கப்பட்டு, தற்போது படத்தின் முன் வெளியீட்டு பணிகள் துவங்கியுள்ளன. இன்று சென்னையில், இப்படத்தின் தமிழ் பதிப்பின், பிரமாண்ட விழாவில் படத்தின் மூன்றாவது சிங்கிள் பாடல் வெளியிடப்பட்டது. இவ்விழாவில் இயக்குநர் S S ராஜமௌலி, Lyca Productions சார்பில் தமிழ்குமரன், தயாரிப்பாளர் NV பிரசாத், DVV Entertainment சார்பில் தயாரிப்பாளர் தானய்யா கலந்து கொண்டனர்.
இவ்விழாவில் Lyca Productions சார்பில் தமிழ்குமரன் பேசியதாவது.. "பிரமாண்ட இயக்குநர் ராஜமௌலி உடன் எங்கள் நிறுவனம் இணைவது எங்களுக்கு பெருமை. உலகளவில் பெரும் எதிர்பார்ப்பிற்குள்ளாகி இருக்கும் பிரமாண்ட படைப்பாக RRR இருக்கிறது. இது நட்பு ரீதியிலான சங்கமம். இன்னும் பல படைப்புகளில் இது தொடருமென நம்புவதாக தெரிவித்தார்.
இவரை தொடர்ந்து DVV Entertainment சார்பில் தயாரிப்பாளர் தானய்யா பேசியதாவது.. "இங்கு வந்து வாழ்த்திய அனைவருக்கும் நன்றி. இது எங்களுக்கு மிக முக்கியமான படைப்பு. உங்கள் அனைவருக்கும் பிடிக்குமென்று நம்பிக்கை தெரிவித்தார். பின்னர் பேசிய இயக்குநர் S S ராஜமௌலி "சில வருடங்களுக்குப் பிறகு உங்களை சந்திப்பது மகிழ்ச்சி. நீண்ட நாட்கள் கழித்து உங்களை சந்திப்பதற்கு மன்னிக்கவும். அடுத்த மாதம் எங்கள் மொத்தப் படக்குழுவினருடன் உங்களை மீண்டும் சந்திப்போம். அதற்கு மிகப்பெரிய அளவில் திட்டமிட்டிருக்கிறோம். அப்போது உங்களது அனைத்து கேள்விகளுக்கும் பதிலளிக்கிறோம் என கூறினார்.
மேலும் RRR (இரத்தம் ரணம் ரௌத்திரம்) படத்தில் மிகப்பெரிய ஆக்சன் காட்சிகள் நிறைய இருக்கிறது. ஒவ்வொரு ஆக்சன் காட்சிக்கு பின்னும் பெரிய எமோஷன் இருக்கும், அந்த எமோஷன் தான் படத்தின் உயிர்நாடி. அந்த எமோஷனை, ஆத்மாவை வெளிக்காட்டும் ஒரு இசை தான் உங்களுக்கு இன்று அறிமுகப்படுத்தும் உயிரே பாடல். அண்ணன் மரகதமணி அவர்கள் தான் இசையமைத்துள்ளார். அவர் எப்போதும் படத்தின் காட்சிகளுக்கு இசையமைக்க மாட்டார். படத்தின் உயிர் எதைப்பற்றியதோ, படம் என்ன சொல்ல வருகிறதோ அதற்கு தான் இசையமைப்பார். அப்படி RRR ( இரத்தம் ரணம் ரௌத்திரம்) படத்தின் மொத்த ஆத்மாவையும் இந்த பாடலில் கொண்டு வந்திருக்கிறார். மதன் கார்கி இந்தப்பாடல் கேட்டபோதே கண்ணீர் சிந்தி ரசித்தார், அருமையான பாடல் வரிகளை தந்திருக்கிறார் என்று உணச்சிவசமாக பேசினார் .
தொழில்நுட்ப குழு:
அவர் கூறியது போகவே தேசத்தின் உணர்வை ஊட்டும் விதமாக, வெளியாகியுள்ள 'உயிரே' பாடல் தற்போது கண்ணீர் வைக்கும் விதத்தில் உள்ளது. தற்போது வெளியாகியுள்ள அந்த பாடல் இதோ...