சூர்யா 46 படத்தின் அடிதூள் அப்டேட்... கேஜிஎஃப் நடிகையின் மாஸ் எண்ட்ரியால் மெர்சலான ரசிகர்கள்...!

கேஜிஎஃப் திரைப்படத்தில் மாஸ் நடிகையாக வலம் வந்த பிரபலம் ஒருவர், தற்போது வெங்கி அட்லூரி இயக்கத்தில் உருவாகி வரும் சூர்யா 46 திரைப்படத்தில் நடிக்க கமிட்டாகி உள்ளார்.

Suriya 46 Movie Update : வெங்கி அட்லூரி இயக்கத்தில், சூர்யா நடிக்கும் படம் 'சூர்யா 46'. இப்படம் 2026 கோடையில் வெளியாக உள்ளது. இது ஒரு பெரிய பட்ஜெட் படமாகும், வெற்றிக்காக காத்திருக்கும் சூர்யாவுக்கு இது ஒரு டானிக்காக அமையும் என எதிர்பார்க்கப்படுகிறது. இந்த நிலையில் கேஜிஎஃப் நடிகை ரவீனா டாண்டன், 'சூர்யா 46' திரைப்படத்தில் இணைந்துள்ளதை அதிகாரப்பூர்வமாக அறிவித்து உள்ளனர். ரவீனாவின் பிறந்தநாள் அன்று படக்குழு இந்த அதிகாரப்பூர்வ அறிவிப்பை வெளியிட்டது.

சமூக ஊடகங்களில், தயாரிப்புக் குழு ரவீனாவுக்கு பிறந்தநாள் வாழ்த்துக்களைத் தெரிவித்து இந்த அறிவிப்பை வெளியிட்டது. "என்றென்றும் அழகான ரவீனா டாண்டனுக்கு-க்கு இனிய பிறந்தநாள் வாழ்த்துகள் - டீம் சூர்யா 46. உங்களை எங்கள் குழுவில் வரவேற்பதில் மகிழ்ச்சி அடைகிறோம், மேலும் ஒரு அற்புதமான பயணத்தை எதிர்நோக்குகிறோம்," என்று படக்குழு பதிவிட்டுள்ளது.

தமிழில் பெரிதும் எதிர்பார்க்கப்படும் படங்களில் ஒன்றாக சூர்யா 46 திரைப்படம் உள்ளது. இந்த ஆண்டு மே மாதம் ஹைதராபாத்தில் நடந்த பாரம்பரிய பூஜையுடன் இப்படத்தின் ஷூட்டிங் தொடங்கியது. இப்படத்திற்கு ஜி.வி. பிரகாஷ் குமார் இசையமைக்கிறார், மமிதா பைஜு கதாநாயகியாக நடிக்கிறார். ராதிகா சரத்குமாரும் ஒரு முக்கிய கதாபாத்திரத்தில் தோன்றுகிறார்.

ரவீனாவின் பிறந்தநாள் பரிசு!

பிறந்தநாள் கொண்டாடிய ரவீனாவுக்கு, அவரது ரசிகர்களும் நண்பர்களும் வாழ்த்து மழை பொழிந்தனர். அவரது மகள் ராஷா, தனது தாயின் பழைய புகைப்படங்களைப் பகிர்ந்துள்ளார், அதில் ரவீனா மிகவும் இளமையாகவும், கவர்ச்சியாகவும் காணப்படுகிறார். அதனுடன், குழந்தை ராஷா தனது தாயுடன் அழகாக போஸ் கொடுக்கும் புகைப்படங்களும் உள்ளன.

ரவீனா 2004 பிப்ரவரியில் பிரபல திரைப்பட விநியோகஸ்தர் அனில் ததானியை மணந்து மகிழ்ச்சியான திருமண வாழ்க்கையை நடத்தி வருகிறார். இந்த தம்பதியருக்கு ராஷா என்ற மகளும், ரன்பீர் என்ற மகனும் உள்ளனர். ரவீனா, பூஜா மற்றும் சாயா என்ற இரண்டு பெண் குழந்தைகளையும் தத்தெடுத்துள்ளார்.

'சூர்யா 46' தவிர, ரவீனா தனது அடுத்த பாலிவுட் படமான 'வெல்கம் 3' படத்திற்கும் தயாராகி வருகிறார். இது பிரபலமான 'வெல்கம்' பிரான்சைஸின் ஒரு பகுதியாகும். இந்த காமெடி-டிராமா படத்தில் அக்‌ஷய் குமார், அர்ஷத் வர்சி, திஷா பதானி, லாரா தத்தா மற்றும் பரேஷ் ராவல் உள்ளிட்ட பெரிய நட்சத்திர பட்டாளமே நடித்துள்ளது.