கல்யாண வதந்திகளுக்கு மத்தியில் ராஷ்மிகா மந்தனா போட்ட உருக்கமான பதிவு

நடிகை ராஷ்மிகா மந்தனா, சினிமாவில் அறிமுகமாகி 9 ஆண்டுகளை நிறைவு செய்துள்ள நிலையில், அவர் தன்னுடைய இன்ஸ்டாகிராம் பக்கத்தில் உருக்கமான பதிவு ஒன்றை போட்டிருக்கிறார்.

Rashmika Mandanna 9 years in cinema : தென்னிந்திய திரையுலகில் இருந்து பாலிவுட் வரை தனது புன்னகையால் கோடிக்கணக்கான ரசிகர்களின் இதயங்களை வென்ற 'நேஷனல் க்ரஷ்' ராஷ்மிகா மந்தனா, தற்போது 9 ஆண்டுகளை நிறைவு செய்துள்ளார். இந்த நீண்ட பயணத்தின் மகிழ்ச்சியை ராஷ்மிகா மிகவும் உணர்வுப்பூர்வமாக பகிர்ந்து, தனது வெற்றியின் முழு பெருமையையும் ரசிகர்களுக்கு அர்ப்பணித்துள்ளார்.

சமூக வலைதளத்தில் ராஷ்மிகா மந்தனா தனது ஒன்பது வருட சினிமா பயணம் குறித்து இன்ஸ்டாகிராமில் பதிவிட்டுள்ளதாவது : "நான் இன்று வரை இங்கே உயிரோடு இருக்கக் காரணம் நீங்கள் (ரசிகர்கள்) தான்". "உங்கள் அன்பு, வாழ்த்து, ஆதரவு இல்லாமல் இது சாத்தியமில்லை. ஆரம்பம் முதல் மகள், சகோதரி, தோழியாக நேசித்தீர்கள். அந்த அன்பே என்னை ஒவ்வொரு நாளும் சிறப்பாக செயல்படத் தூண்டுகிறது". 'கிரிக் பார்ட்டி' முதல் 'அனிமல்' வரை: 'கிரிக் பார்ட்டி' மூலம் அறிமுகமாகி, 'கீதா கோவிந்தம்', 'புஷ்பா' மூலம் பான்-இந்தியா ஸ்டாரானார்.

ராஷ்மிகா மந்தனா உருக்கம்

சமீபத்திய 'அனிமல்' வெற்றி அவரது புகழை மேலும் அதிகரித்துள்ளது. திரையுலகில் பல விமர்சனங்கள், ட்ரோல்கள் மற்றும் சவால்களை எதிர்கொண்டாலும் ராஷ்மிகா ஒருபோதும் மனம் தளரவில்லை. "என் ஒவ்வொரு ஏற்ற தாழ்விலும் நீங்கள் என்னுடன் இருந்தீர்கள். "உங்கள் தன்னலமற்ற அன்புக்கு நான் எப்போதும் கடமைப்பட்டவள்" என நன்றி கூறினார். தற்போது 'புஷ்பா-2', 'குபேரா' போன்ற பெரிய படங்களில் பிஸியாக உள்ளார். பலரும் அவருக்கு வாழ்த்து தெரிவிக்கின்றனர்.

நடிகை ராஷ்மிகா மந்தனா மற்றும் நடிகர் விஜய் தேவரகொண்டா திருமணம் பிப்ரவரி 26, 2026 அன்று உதய்பூர் அரண்மனையில் நடைபெறும் என்று ஒரு செய்தி பரவி வருகிறது. ராஷ்மிகா மந்தனா மற்றும் விஜய் தேவரகொண்டா ஜோடி கடந்த சில வருடங்களாக காதலித்து வந்தனர். இந்த ஜோடி திருமணம் செய்து கொள்ளப் போகிறார்கள் என்ற செய்தி பரவி வந்தது. சமீபத்தில் இருவருக்கும் நிச்சயதார்த்தம் நடந்ததாகவும், பிப்ரவரியில் திருமணம் என்றும் கூறப்படுகிறது. ஆனால், இந்த செய்தியை இருவரும் அதிகாரப்பூர்வமாக உறுதிப்படுத்தவில்லை.