Thalapathy 67 : வாவ்..மாஸ்டர் வெற்றியில் ட்ரெண்டாகும் தளபதி 67..ரசிகர்களின் எதிர்பார்ப்பு நிறைவேறுமா?

Thalapathy 67 : மாஸ்டர் படம் வெளியாகி ஒரு வருடம் கடந்துள்ளதை கொண்டாடும் விதமாக படக்குழு மாஸ்டர் அன்சீன் காட்சிகளை வெளியிட்டு வருகின்றனர். இதற்கு கமெண்ட் செய்யும் ரசிகர்கள் தளபதி 67 என்கிற ஹேஸ்டேக்கையும் ட்ரெண்டாக்கி வருகின்றனர்.

தமிழ் திரையுலகில் முன்னணி நடிகராக வலம் வருபவர் விஜய் (vijay). இவர் நடிப்பில் தற்போது பீஸ்ட் (Beast) படம் தயாராகி வருகிறது. நெல்சன் இயக்கி வரும் இப்படத்தில் விஜய்க்கு ஜோடியாக பூஜா ஹெக்டேவும், வில்லனாக செல்வராகவனும் நடிக்கிறார். சன் பிக்சர்ஸ் நிறுவனம் பிரம்மாண்டமாக தயாரிக்கும் இப்படத்திற்கு அனிருத் இசையமைக்கிறார். இப்படத்தின் படப்பிடிப்பு இறுதிக்கட்டத்தை எட்டி உள்ளது.

இதனிடையே கடந்த சில மாதங்களுக்கு முன் விஜய் நடிக்க அடுத்த படம் குறித்த அறிவிப்பு வெளியானது. அதன்படி விஜய்யின் 66-வது படத்தை பிரபல தெலுங்கு இயக்குனர் வம்சி பைடிபல்லி இயக்க உள்ளார். இவர் தமிழில் கார்த்தி நடிப்பில் வெளியான தோழா படத்தை இயக்கிவர் ஆவார். மேலும் இப்படத்தை டோலிவுட்டை சேர்ந்த பிரபல தயாரிப்பாளர் தில் ராஜு தயாரிக்க உள்ளார். இப்படம் மூலம் நடிகர் விஜய் தெலுங்கில் அறிமுகமாக உள்ளார்.

இந்நிலையில் மாஸ்டர் படம் வெளியாகி ஒரு வருடம் கடந்துள்ளதை கொண்டாடும் விதமாக படக்குழு மாஸ்டர் அன்சீன் காட்சிகளை வெளியிட்டு வருகின்றனர். இதற்கு கமெண்ட் செய்யும் ரசிகர்கள் தளபதி 67 என்கிற ஹேஸ்டேக்கையும் ட்ரெண்டாக்கி வருகின்றனர். அதோடு லோகேஷ் கனகராஜ் இயக்கத்தில் தளபதி 67க்காக காத்திருப்பதாகவும் பதிவிட்டு வருகின்றனர்.