'தளபதி' ஸ்டைலில் பங்கிஜம்ப் செய்து அசத்திய ஜோடி! 

Ganesh-Nisha Couple Held at bungee jump on new Zealand.

'குஷி' படத்தில் இடம்பெறும் மொட்டு ஒன்று மலர்ந்திட மறுக்கும் பாடலின் தொடக்கத்தில் நடிகர் விஜய் பங்கிஜம்ப் செய்து அசத்தியிருப்பார். அதேபோல கோலிவுட் ஜோடி ஒன்று தலைகீழாக பங்கிஜம்ப் செய்து அசத்தியுள்ளது.

விஜய் தொலைக்காட்சி சமீபத்தில் நடத்திய பிக்பாஸ் நிகழ்ச்சியில் 19 போட்டியாளர்களில் ஒருவராக கலந்து கொண்டவர் கணேஷ் வெங்கட்ராம்.நிகழ்ச்சியின் முடிவில் ஆரவ், கணேஷ், சினேகன், ஹரீஷ் கல்யாண் ஆகிய நால்வர் இறுதிபோட்டிக்கு முன்னேறினர். இதில் கணேஷ் வெங்கட்ராம் 3-வது ரன்னர் அப்பாக அறிவிக்கப்பட்டார்.100 நிகழ்ச்சி முடிந்து வெளியே வந்த கணேஷ் தனது ஆதரவளித்த மக்கள் அனைவருக்கும் நன்றி தெரிவித்தார்.

இந்த நிலையில் 3 மாத பிரிவை ஈடுகட்டுவது போல கணேஷ்-நிஷா ஜோடி பல்வேறு இடங்களுக்கும் டிரிப் அடித்து வருகின்றனர். அதன்படி சமீபத்தில் நியூசிலாந்து சென்ற இவர்கள் ஜோடியாக பங்கிஜம்ப் செய்து அந்த புகைப்படத்தை டுவிட்டரில் பதிவு செய்துள்ளனர்.

இந்த புகைப்படம் கணேஷ் ரசிகர்களால் சமூக வலைதளங்களில் அதிகமாக பகிரப்பட்டு வருகிறது. இதுதவிர 'உனக்குள்ள இப்படி ஒரு வீரன் இருக்கறது தெரியாம போச்சேய்யா' என கணேஷை அவரது  ரசிகர்கள் செல்லமாக கலாய்க்கவும் செய்கின்றனர் என்பது குறிப்பிடத்தக்கது.