MahaanSecondSingle : "எவன்டா எனக்கு கஸ்டடி"..மகான் சியானின் திமிர் தெறிக்கும் பாடல் இன்று ரிலீஸ்..

விக்ரம்- துருவ் இணைந்து நடிக்கும் மஹான் படத்திலிருந்து இன்று மாலை செகண்ட் சிங்குளாக எவன்டா எனக்கு கஸ்டடி" என்னும் பாடல் வெளியிடப்படவுள்ளது..

விஜய் சேதுபதி நடிப்பில் வெளியான பீட்சா படம் மூலம் இயக்குனராக அறிமுகமானவர் கார்த்திக் சுப்புராஜ். இதையடுத்து ஜிகர்தண்டா, இறைவி, பேட்ட, ஜகமே தந்திரம் என அடுத்தடுத்து ஹிட் படங்களை கொடுத்து தமிழ் சினிமாவில் முன்னணி இயக்குனராக வலம் வருகிறார். இவர் இயக்கத்தில் தற்போது உருவாகி உள்ள படம் ‘மகான்’.

விக்ரம் ஹீரோவாக நடித்துள்ள இப்படத்தில், அவரது மகன் துருவ் விக்ரமும் முக்கிய கதாபாத்திரத்தில் நடித்துள்ளார். மேலும் வாணி போஜன், சிம்ரன், பாபி சிம்ஹா என மிகப்பெரிய நட்சத்திர பட்டாளமே இப்படத்தில் நடித்துள்ளது. இப்படத்திற்கு சந்தோஷ் நாராயணன் இசையமைத்துள்ளார். 

மகான் படத்தை 7 ஸ்கிரீன் ஸ்டூடியோஸ் நிறுவனம் சார்பாக லலித் குமார் தயாரித்துள்ளார். இப்படத்தின் படப்பிடிப்பு மற்றும் பின்னணி பணிகள் முடிந்து ரிலீசுக்கு தயாராக உள்ளது. இப்படத்தை நேரடியாக ஓடிடி-யில் ரிலீஸ் செய்ய படக்குழு திட்டமிட்டிருப்பதாக கடந்த சில மாதங்களாகவே தகவல் வெளியான வண்ணம் இருந்தன.

இதையறிந்து ஷாக் ஆன ரசிகர்கள், தயவு செய்து படத்தை திரையரங்கில் வெளியிடுமாறு சமூக வலைதளம் வாயிலாக தொடர்ந்து கோரிக்கை வைத்து வந்தனர். ஆனால், படக்குழு தங்கள் முடிவை மாற்றவில்லை. தற்போது மகான் படத்தின் ஓடிடி ரிலீஸ் தேதி வெளியாகி உள்ளது. அதன்படி இப்படம் வருகிற பிப்ரவரி 10-ம் தேதி  அமேசான் பிரைம் ஓடிடி தளத்தில் வெளியாகும் என அறிவிக்கப்பட்டு உள்ளது.

விக்ரம் நடித்த படம் நேரடியாக ஓடிடி-யில் ரிலீசாவது இதுவே முதன்முறை. அதேபோல் இப்படத்தின் இயக்குனர் கார்த்திக் சுப்புராஜுக்கு இது இரண்டாவது ஓடிடி ரிலீஸ். இதற்கு முன்னர் தனுஷை வைத்து இவர் இயக்கிய ஜகமே தந்திரம் திரைப்படமும் நேரடியாக ஓடிடி-யில் ரிலீஸ் செய்யப்பட்டது குறிப்பிடத்தக்கது.

ஓடிடி ரிலீஸ் அறிவிப்பை தொடர்ந்து தற்போது செகண்ட் சிங்கிளுக்கான அறிவிப்பும் வெளியாகியுள்ளது. அதன்படி விக்ரம்- துருவ் இணைந்து நடிக்கும் மஹான் படத்திலிருந்து இன்று மாலை செகண்ட் சிங்குளாக எவன்டா எனக்கு கஸ்டடி" என்னும் பாடல் வெளியிடப்படவுள்ளது..