Jan 14 release movies : பொங்கல் துவங்கும் ஜனவரி 14 -ம் தேதி தனுஷின் மாறன் மற்றும் பிரபாஸின் Radhe Shyam ஆகிய இரு படங்கள் மட்டுமே ரிலீஸாகவுள்ளது.
ஜனவரி 2022-ல் அஜித்தின் வலிமை, ராஜமௌலியின் ஆர் ஆர் ஆர் , ஹிப்ஹாப் ஆதியின் அன்பறிவு, பிரபாஸின் Radhe Shyam, தனுஷின் மாறன், அருண்விஜயின் பார்டர், அதர்வாவின் குருதி ஆட்டம், விஷால் கிருஷ்ணாவின் வீரமே வாகை சூடவா, பிரபு தேவாவின் தேள், விக்ரமின் துருவ நட்சத்திரம், பிரபு தேவாவின் பகிரா, பார்வதி நாயரின் ரூபன், ஜீவன் பாம்பாட்டம், அஸ்வினி பிட்ஷா 3, நாசரின் வாய்தா, சிவாவின் காசேதான் கடவுளடா உள்ளிட்ட படங்கள் வெளியாகும் என எதிர்பார்க்கப்படுகிறது. இதில் ஆர் ஆர் ஆர் ஏப்ரல் மாதத்திற்கு தள்ளி வைக்கப்பட்டுள்ளது.
இந்த படங்களில் பெரும்பாலானவை பொங்கல் விருந்து என சொல்லப்படடாலும் இரண்டு படங்கள் மட்டுமே பொங்கல் அன்று ரிலீஸ் ஆகவுள்ளது. அதாவது தனுஷின் மாறன் மற்றும் பிரபாஸின் Radhe Shyam ஆகிய இரண்டு படங்கள் மட்டுமே வெளியாகவுள்ளது.
தனுஷ் நடிப்பில் வெளியாகவுள்ள மாறன் படத்தை இயக்குனர் கார்த்திக் நரேன் இயக்கியுள்ளார். இதில் தனுஷுக்கு ஜோடியாக மாளவிகா மோகனன் நடித்துள்ளார். பேட்ட, மாஸ்டர் படங்களை தொடர்ந்து அவர் நடிக்கும் மூன்றாவது தமிழ்படம் இதுவாகும்.
மேலும் இப்படத்தில் ஸ்மிருதி வெங்கட், சமுத்திரக்கனி, போஸ் வெங்கட், கேகே, மாஸ்டர் மகேந்திரன் ஆகியோர் முக்கிய கதாபாத்திரங்களில் நடித்துள்ளனர். சத்யஜோதி பிலிம்ஸ் நிறுவனம் பிரம்மாண்டமாக தயாரித்து வரும் இப்படத்திற்கு ஜிவி பிரகாஷ்குமார் இசையமைக்கிறார். இப்படத்தின் பணிகள் இறுதிக்கட்டத்தை எட்டி உள்ளது.
பிரபாஸின் Radhe Shyam படம் படப்பிடிப்பு முடிந்து ரிலீசுக்கு தயாராகி வருகிறது. இப்படத்தை ராதா கிருஷ்ண குமார் இயக்கி உள்ளார். இப்படத்தில் பிரபாஸுக்கு ஜோடியாக பூஜா ஹெக்டே (Pooja hegde) நடித்துள்ளார். ஜஸ்டின் பிரபாகர் இப்படத்திற்கு இசையமைத்துள்ளார்.