ரூ.2.18 கோடி மோசடி வழக்கில் சிக்கினார் ஜே.கே.ரித்தீஷ் - மனைவி உள்பட 6 பேர் மீது வழக்கு

jk rithesh and his wife gaught in forgery case

கோடி கணக்கில் பணமோசடி செய்ததாக நடிகர் ஜே.கே ரித்தீஷ் மற்றும் அவரது மனைவிமீது சென்னை மத்திய குற்றப்பிரிவு போலீசார் வழக்கு பதிவு செய்துள்ளனர்.

திருவள்ளூர் மாவட்டம் கெருகம்பாக்கத்தைச் சேர்ந்த ஆதிநாராயணன். இவர் இன்று காலை சென்னை மாநகர கமிஷனர் அலுவலகத்தில் ஒரு புகார் மனு கொடுத்தார்.

அதில், திரைப்பட நடிகர் மற்றும் தயாரிப்பாளரும், முன்னாள் திமுக எம்.பியுமான  ஜே.கே.ரித்தீஷ், போலி ஆவணம் மூலம் ரூ.2.18 கோடி மோசடி செய்துள்ளார் என குறிப்பிட்டுள்ளார்.

ஆதிநாராயணன் கொடுத்த புகாரின் மீது உரிய விசாரணை நடத்த மத்திய குற்றப்பிரிவு போலீசாருக்கு, கமிஷனர் உத்தரவிட்டார்.

அதன்பேரில் மத்திய குற்றப்பிரிவு போலீசார், ஜே.கே.ரித்தீஷ் அவரது மனைவி ஜோதீஸ்வரி உள்பட 7 பேர் மீது வழக்குப்பதிவு செய்துள்ளனர். இதன் விசாரணை தொடங்கப்பட்டுள்ளது.

கடந்த ஆண்டு நவம்பர் மாதம் நடிகர் கருணாஸின் கார் மீது கல்வீசி தாக்குதல் நடத்தியதாக, %ஜே.கே.ரித்தீஷ் மீது போலீசில் புகார் செய்யப்பட்டு, வழக்கும் பதிவு செய்யப்பட்டது குறிப்பிடத்தக்கது.