பேத்திக்கு குழந்தையாகவே மாறி பியானோ கற்று தரும் இளையராஜா... வைரலாகும் வீடியோ..!

இசைஞானி இளையராஜா அவரது பேத்திக்கு, பியானோ கற்று தரும் அழகு வீடியோ ஒன்று ரசிகர்களால் அதிக பார்க்கப்பட்டு வருகிறது. 

பல இசை ரசிகர்கள் மனதை, தன்னுடைய ஈடு இணையில்லா... பாடங்கள் மூலம் கட்டி போட்டவர் இளையராஜா. இசை கடவுள் என்றும் பலரால் போற்ற பட்டு வருகிறார். பல இசையமைப்பாளர்கள் தோன்றினாலும் இளையராஜாவின் பாடல்கள் அன்று முதல் இன்று வரை இளைஞர்களுக்கும் மிகவும் பிடித்தவை. இவரை தொடர்ந்து இவரது, மகன் யுவன் ஷங்கர் ராஜா இசைக்கும் பல ரசிகர்கள் உள்ளனர்.

இந்நிலையில் யுவன் ஷங்கர் ராஜாவின் மகள் ஜியாவிற்கு, இசைஞானி பியானோ சொல்லி கொடுக்கும் அழகு வீடியோ வெளியாகி வைரலாக பார்க்கப்பட்டு வருகிறது. இவரது குடும்பமே இசை குடும்பமாக, இருந்து ரசிகர்களை மகிழ்வித்து வரும் நிலையில், இந்த மழலைக்கும் இசை மீது இவ்வளவு ஆர்வமா? என ஆச்சர்யப்பட்டு போகிறார்கள் இந்த வீடியோவை பார்க்கும் ரசிகர்கள். அதே நேரத்தில், எப்போது அமைதியானவராகவே... இருக்கும் இளையராஜா, பேத்தியுடன்  குழந்தையாகவே மாறி, இசை கற்று கொடுக்கிறார்.

இந்த கியூட் வீடியோ தற்போது ரசிகர்களால் அதிகம் பார்க்கப்பட்டு வருகிறது. சென்னை சாலிகிராமத்தில் இருந்த பிரசாத் ஸ்டுடியோ பிரச்சனை, நண்பர் எஸ்.பி.பி மரணம் என தொடர்ந்து, மனக்கஷ்டத்தில் இருந்த இளையராஜா, சமீபத்தில் தான் சாலிகிராமத்திலேயே ஒரு புதிய மியூசிக் ஸ்டுடியோவை திறந்தார். அதில் தான் இளையராஜா கிடப்பில் போடப்பட்ட அனைத்து இசை பணிகள் , மேற்கொள்ளப்பட்டு வருகிறது.

மெல்ல மெல்ல, தன்னுடைய மன கஷ்டங்களில் இருந்து மீண்டு வரும் இளையராஜா, முதல் முறையாக தன்னுடைய பேத்திக்கு இசை ஆசிரியராய் மாறி உள்ள வீடியோ படு வைரலாகும், இளையராஜாவின் ரசிகர்களை மனதை சந்தோஷப்படும் விதத்திலும் உள்ளது என்பது குறிப்பிடத்தக்கது.