
கடந்த ஆண்டு விஜய் சேதுபதி - த்ரிஷா நடிப்பில் கடந்த ஆண்டு வெளியான 96 திரைப்படம் பெரியளவில் வெற்றிபெற்றதற்குப் பல காரணங்கள் உள்ளன. அதில் முக்கியமான ஒரு காரணம், இளவயது கதாபாத்திரங்களுக்கான நடிகர், நடிகை தேர்வும். அதில் பள்ளிப் பருவக் காதலர்களாக வரும் நாயகன் ஆதித்யா பாஸ்கரும் நாயகி கௌரி கிஷனும் விஜய்சேதுபதி, த்ரிஷாவை ஓரம்கட்டும் நடிப்பை கொட்டியிருந்தனர். இன்னும் கொஞ்ச நேரம் இவர்களது காட்சிகள் வராதா என ரசிகர்கள் ஏங்கினார்.
இருவரும் தமிழ்த் திரையுலகில் அடுத்தடுத்து பல படங்களில் ஒப்பந்தமாகி நடிப்பார்கள் என்ற எதிர்பார்ப்பு உருவாகியுள்ள நிலையில் நாயகி கௌரி கிஷனை மலையாளத் திரையுலகம் சிவப்பு கம்பளம் விரித்து வரவேற்றுள்ளது.
துஸார் தயாரிப்பில் அறிமுக இயக்குநர் பிரின்ஸ் ஜாய் இயக்கத்தில் உருவாகும் புதிய படத்தில் கௌரிக்கு ஜோடியாக சன்னி வேயின் நடிக்கிறார்.‘அனுகிரஹித்தன் அந்தோனி’ எனப் பெயரிடப்பட்டுள்ள இப்படத்தின் படப்பிடிப்பில் பிப்ரவரி 7ஆம் தேதி கௌரி கிஷன் இணைந்துள்ளார். இதனைக் கௌரி கிஷன் தனது ட்விட்டர் பக்கத்தில் புகைப்படத்துடன் பதிவிட்டுள்ளார்.
தமிழ் சினிமா (Tamil Cinema News), டிவி நிகழ்ச்சிகள் (Tamil TV Shows), செலிபிரிட்டி செய்திகள் மற்றும் சமீபத்திய அப்டேட்களுக்காக ஏஷ்யாநெட் தமிழ் நியூஸின் பொழுதுபோக்கு பிரிவை ஆராயுங்கள். சினிமா விமர்சனங்கள் (Tamil Movies Review), நட்சத்திரங்களின் நேர்காணல்கள், தொடர்களில் நடக்கும் ட்ராமா மற்றும் பொழுதுபோக்கு உலகின் டிரெண்ட்ஸ்பாட்டிங்குடன் எப்போதும் புதுப்பித்த நிலையில் இருங்கள். திரையரங்குப் பின்னணி கதைகள்,டிரெய்லர் வெளியீடுகள்மற்றும் ரெட் கார்பெட் தருணங்களை அறிந்து கொள்ளுங்கள்.