பாலிவுட் திரையுலகை சேர்ந்த பிரபலங்கள் தொடர்ந்து, கொரோனா தொற்றால் பாதிக்கப்பட்டு வரும் நிலையில், தற்போது மேலும் ஒரு நடிகை கொரோனாவால் பாதிக்கப்பட்டுள்ள சம்பவம், திரையுலகினர் மத்தியில் அதிர்ச்சியை ஏற்படுத்தியுள்ளது.
பாலிவுட் திரையுலகை சேர்ந்த பிரபலங்கள் தொடர்ந்து, கொரோனா தொற்றால் பாதிக்கப்பட்டு வரும் நிலையில், தற்போது மேலும் ஒரு நடிகை கொரோனாவால் பாதிக்கப்பட்டுள்ள சம்பவம், திரையுலகினர் மத்தியில் அதிர்ச்சியை ஏற்படுத்தியுள்ளது.
இந்தியாவையே மீண்டும் கதிகலங்க வைத்துள்ளது கொரோனா. கடந்த வருடம் மார்ச் மாதம் தன்னுடைய கொடூர முகத்தை இந்தியாவில் காட்டத் துவங்கிய கொரோனா பின்னர், பல்வேறு தடுப்பு நடவடிக்கைகளுக்கு பின் சற்று குறைந்து. இதை தொடர்ந்து மீண்டும் கடந்த மாதத்திலிருந்து அதிக அளவில் பரவி வருகிறது. இந்நிலையில் கடந்த ஓரிரு தினங்களுக்கு முன் கொரோனா தொற்று உறுதி செய்யப்பட்டுள்ளதாகவும், வீட்டில் தனிமைப் படுத்திக் கொண்டு மருத்துவர்களின் அறிவுரைப்படி சிகிச்சை மேற்கொண்டு வருவதாகவும் தெரிவித்த அக்ஷய்குமார், பின்னர் நேற்று மருத்துவமனையில் அனுமதிக்கப்பட்டு சிகிச்சை பெற்று வருவதாகவும் ஒரே தெரிவித்திருந்தார்.
மேலும் இவர் கடைசியாக இயக்குனர் அபிஷேக் சர்மா இயக்கத்தில் நடித்து வந்த 'ராம் சேது' படத்தின் படக்குழுவினர் 100 பேருக்கு கொரோனா பரிசோதனை செய்தபோது, அதில் 45 பேருக்கு நோய் தொற்று இருப்பது உறுதி செய்யப்பட்டது பேரதிர்ச்சியாக இருந்தது. தொடர்ந்து பாலிவுட் பிரபலங்கள் கொரோனா தொற்றால் பாதிக்கப்பட்டு வரும் நிலையில் தற்போது பிரபல நடிகை காத்ரீனா கைஃப்கொரோனா தொற்றால் பாதிக்கப்பட்டு வீட்டில் தனிமை படுத்திகொண்டு இருப்பதாக தெரிவித்துள்ளார்.
இதுகுறித்து இன்ஸ்டாகிராம் பக்கத்தில் இவர் தெரிவித்துள்ளதாவது... "இன்று எனக்கு கொரோனா தொற்று ஏற்பட்டுள்ளது. இதனை அடுத்த வீட்டில் நான் என்னை நானே தனிமைப்படுத்திக் கொண்டேன். நான் மருத்துவர்களின் அறிவுரைப்படி சிகிச்சை எடுத்து வருகிறேன். என்னுடன் தொடர்பில் இருந்த அனைவரும் தயவு செய்து கொரோனா பரிசோதனை செய்து கொள்ளும்படி கேட்டுக்கொள்கிறேன். உங்கள் அனைவரின் அன்பு மட்டும் ஆதரவுக்கு நன்றி. தயவு செய்து அனைவரும் பாதுகாப்பாக இருங்கள்’ என்று கேட்டுக் கொண்டுள்ளார். இவருக்கு ரசிகர்கள் பலரும் தொடர்ந்து, விரைவில் குணமடைய வாழ்த்துக்களை தெரிவித்து வருகிறார்கள்.