ET release date : மார்ச் ரேஸுக்கு தயாரான "எதற்கும் துணிந்தவன்" வெளியானது ரிலீஸ் டேட்..

சூர்யா நடிப்பில் உருவாகி வரும் எதற்கும் துணிந்தவன் வரும் மார்ச் 10ம் தேதி உலகமெங்கும் திரையிடப்படும் என சன் பிக்சர்ஸ் தெரிவித்துள்ளது...

தமிழ் திரையுலகில் வெற்றிகரமான இயக்குனராக வலம்வருபவர் பாண்டிராஜ். இவர் இயக்கத்தில் தற்போது உருவாகி வரும் படம் எதற்கும் துணிந்தவன். இப்படத்தில் நடிகர் சூர்யா (suriya) ஹீரோவாக நடித்துள்ளார். ஏற்கனவே பாண்டிராஜ் இயக்கிய பசங்க 2 படத்தில் நடித்த சூர்யா தற்போது இரண்டாவது முறையாக அவருடன் கூட்டணி அமைத்துள்ளார்.

இப்படத்தில் சூர்யாவுக்கு ஜோடியாக டாக்டர் பட நடிகை பிரியங்கா மோகன் நடித்துள்ளார். மேலும் திவ்யா துரைசாமி, தேவதர்சினி, சத்யராஜ், சரண்யா பொன்வண்ணன், இளவரசு உள்ளிட்ட பலர் முக்கிய கதாபாத்திரத்தில் நடித்துள்ளனர். வினய் வில்லனாகவும், நடிகர் சூரி நகைச்சுவை வேடத்திலும் நடித்திருக்கின்றார். ரத்னவேலு ஒளிப்பதிவு செய்துள்ள இப்படத்துக்கு டி.இமான் இசையமைத்துள்ளார். தமிழில் தயாராகி உள்ள இப்படத்தை தெலுங்கு, இந்தி, மலையாளம், கன்னடம் ஆகிய மொழிகளிலும் டப்பிங் செய்து வெளியிட உள்ளனர்.

எதற்கும் துணிந்தவன் படத்தின் படப்பிடிப்பு மற்றும் பின்னணி பணிகள் முடிந்து ரிலீசுக்கு தயாராக உள்ளது. இப்படம் பிப்ரவரி மாதம் 4-ந் தேதி திரையரங்குகளில் வெளியாகும் என கடந்த சில மாதங்களுக்கு முன்னர் அதிகாரப்பூர்வமாக அறிவிக்கப்பட்டது. ஆனால் தற்போதைய சூழலில் இப்படம் திட்டமிட்டபடி ரிலீசாவதில் சிக்கல் ஏற்பட்டுள்ளது.

கொரோனா பரவல் காரணமாக விதிக்கப்பட்டிருந்த கட்டுப்பாடுகள் நீக்கப்பட்டு தற்போது தளர்வுகள் அறிவிக்கப்பட்டுள்ளது. இரவு ஊரடங்கு, ஞாயிற்றுக்கிழமைகளில் முழு ஊரடங்கு உள்ளிட்ட கட்டுப்பாடுகள் நீக்கப்பட்டு உள்ளன. இருப்பினும் திரையரங்குகளில் 50 சதவீத பார்வையாளர்களுக்கு மட்டுமே அனுமதி என்கிற கட்டுப்பாடு தொடர்ந்து நீடிக்கிறது.

இந்நிலையில் ஆர் ஆர் ஆர், ராதே ஷ்யாம், டான் உள்ளிட்ட படங்கள் மார்ச்சில் வெளியாகும் என ஏற்கனவே அறிவிக்கப்பட்டு விட்டது.. இவ்வாறு கிட்டத்த்தட்ட 10 படங்கள் வரிசை கட்டி நிற்கையில் சூர்யாவின் எதற்கும் துணிந்தவன் படமும் மார்ச்சில் தான் திரை காண உள்ளது...இது குறித்து அதிகாரப்பூர்வ அறிவிப்பு வெளியிட்டுள்ள சன் பிக்சர்ஸ் நிறுவனம் எதற்கும் துணிந்தவன் வரும் மார்ச் 10-ம் தேதி உலகம் முழுவதும் திரையிடப்படும் என அறிவித்துள்ளது...