நான்காவது முறை
நடிகர் அஜித் நான்காவது முறையாக இயக்குநர் சிவாவுடன் இணைந்துள்ள படம் விசுவாசம்.இதில் அஜித்துக்கு ஜோடியாக நான்காவது முறையாக நயன்தாரா நடிக்கிறார்.இப்படத்தின் படப்பிடிப்பு இம்மாத இறுதியில் துவங்க உள்ளது.
முதல் படம்
இப்படத்தின் இசையமைப்பாளராக டி.இமான் பணியாற்ற உள்ளார்.இதுதான் அவர் இசையமைக்கும் முதல் அஜித் படம்.வழக்கமாக டி. இமான் இசையமைக்கும் படத்தில் ஹீரோக்களை ஒரு பாட்டாவது பாட வைத்து விடுவார்.அந்த வகையில் அஜித்தை முதல்முறையாக விசுவாசம் படத்தில் பாட வைக்க போவதாக தகவல் வெளியானது. அஜித் இந்த படத்தில் பாடினால் அஜித் ரசிகர்கள் டி. இமானை தூக்கி வைத்து கொண்டாடுவார்கள்.
நூறாவது படம்
நூறு படங்களுக்கு மேல் இசையமைத்துள்ள டி.இமான் முதல் முதலில் இசையமைத்த படம் காதலே சுவாசம்.ஆனால் இந்த படம் சில காரணங்களால் வெளிவரவில்லை.முதல் படமாக வெளிவந்தது விஜயின் தமிழன்.தற்போது ஜெயம் ரவியின் டிக் டிக் டிக் படம் இமானுக்கு நூறாவது படமாகும்
புனித் ராஜ்குமார்
இந்நிலையில் கன்னட சூப்பர் ஸ்டார் புனித் ராஜ்குமார் நடிக்க இருக்கும் படத்திற்கும் இசையமைப்பாளராக ஒப்பந்தமாகியுள்ளார் இமான்.இந்த படத்தை ராக்லைன் வெங்கடேஷ் தயாரிக்கிறார்.ஏற்கனவே ராக்லைன் வெங்கடேஷ் தயாரித்த கோட்டி கோப்பா 2 படத்திற்கு இசையமைத்துள்ளார் டி.இமான். இந்த கன்னடப் படத்தை கே.எஸ்.ரவிக்குமார் இயக்குகிறார்.