அடக்கடவுளே.. புஷ்பா பிரச்சனை இன்னும் முடிவுக்கு வரலையா?..தமிழ்நாடு தணிக்கை குழுவுக்கு வந்த சிக்கல்..

புஷ்பா படத்தை முறையாக தணிக்கை செய்யாத தமிழ்நாடு தணிக்கை குழு மீது நடவடிக்கை எடுக்க வேண்டும் என புகார் அளிக்கப்பட்டுள்ளது.

புஷ்பா படம் தென் இந்திய மொழிகளில் மாஸ் காட்டி வருகிறது.  புஷ்பா உலக முழுக்க இதுவரை ரூ.300 கோடியை வசூலாக குவித்துள்ளது. அதோடு இந்த படத்தில் நடித்தான் மூலம் அல்லு அர்ஜுன் பான் இந்தியா ஹீரோவாக உயர்ந்துள்ளார். இந்நிலையில் இந்த படத்தை முறையாக தணிக்கை செய்யவில்லை என புகார் எழுந்துள்ளது.

பிரபல தெலுங்கு இயக்குனர் சுகுமார் இயக்கத்தில், அல்லு அர்ஜுன் (Allu Arjun) நடித்துள்ள படம் 'புஷ்பா'. இந்த படத்தில் அல்லு அர்ஜுனுக்கு ஜோடியாக நடிகை ராஷ்மிகா மந்தனா நடித்துள்ளார். இப்படம் முழுக்க முழுக்க செம்மரக்கடத்தலை மையமாக வைத்தும்...  அவர்களுடைய வாழ்க்கையை எடுத்துக் கூறும் வகையிலும் எடுக்கப்பட்டுள்ளது.  

இப்படத்தில் அல்லு அர்ஜுன் (Allu Arjun) லாரி டிரைவராகவும், மரம் கடத்துபவராகவும் இதுவரை நடித்திராத வித்தியாசமான கதாபாத்திரத்தில் நடித்துள்ளார். மேலும் பிரபல மலையாள நடிகர் பகத் பாசில் மிரட்டல் வில்லனாக போலீஸ் அதிகாரி வேடத்தில் நடித்துள்ளார். 

இதுதவிர ஜெகபதி பாபு, பிரகாஷ்ராஜ், ஹரிஷ் உத்தமன், கிஷோர் உள்ளிட்ட பலர் முக்கிய கதாபாத்திரங்களில் நடித்துள்ளனர். மேலும் நடிகை சமந்தா ஒரு பாடலுக்கு மட்டும் கவர்ச்சி நடனம் ஆடி இருந்தார். இந்த பாடல் மிகுந்த சர்ச்சையை ஏற்படுத்தியுள்ளது. இது குறித்து நீதிமன்றத்தில் வழக்கு தொடரப்பட்டது. இப்படம் இரண்டு பாகங்களாக தயாராகி உள்ளது. கடந்த டிசம்பர் 17-ந் தேதி பிரம்மாண்டமாக திரையரங்குகளில் வெளியானது. ரிலீசுக்கு பின் இப்படம் விமர்சன ரீதியாக கலவையான விமர்சனங்களை பெற்றாலும், பாக்ஸ் ஆபீஸில் பட்டையைக் கிளப்பி வருகிறது.  அதோடு நேற்று முதல் ஓடிடி தளத்திலும் இந்த படம் வெளியாகியுள்ளது.

இந்நிலையில் புஷ்பா படத்திற்கு எதிராக இந்து மறுமலர்ச்சி முன்னேற்ற முன்னணி அமைப்பு புகார் அளித்துள்ளது. அதில்..இந்தப் படத்தின் தொடக்க காட்சியில் தமிழ்நாடு காவல்துறை பற்றியும், தமிழ்நாடு மக்களை இழிவுப்படுத்தும் வகையிலும் காட்சிகள் அமைக்கப்பட்டுள்ளதால் இந்த படத்தில் உள்ள குறிப்பிட்ட காட்சிகளை நீக்க வேண்டும், படக்குழுவினர் மீது நடவடிக்கை எடுக்கவேண்டும் எனவும், இந்தப் படத்தை சரியாக ஆய்வு செய்யாமல் தணிக்கை அளித்த தமிழ்நாடு தணிக்கை திரைப்பட குழு உறுப்பினர்கள் மீதும் நடவடிக்கை எடுக்க வேண்டுமெனவும் புகாரில் தெரிவிக்கப்படுள்ளது..