
தமிழ் திரையுலகில் கடந்த 25 ஆண்டுகளுக்கு மேலாக முன்னணி இசையமைப்பாளராக வலம் வருபவர் ஏ.ஆர்.ரகுமான். தற்போது தமிழில் இவர் கைவசம் மணிரத்னத்தின் பிரம்மாண்ட படைப்பான பொன்னியின் செல்வன், பார்த்திபன் இயக்கும் இரவின் நிழல், விக்ரம் நடிக்கும் கோப்ரா, சிவகார்த்திகேயனின் அயலான் போன்ற படங்கள் உள்ளன.
இந்நிலையில் ஏ.ஆர்.ரகுமானின் மகளுக்கு விரைவில் திருமணம் நடக்க இருக்கிறது. ஏ.ஆர்.ரகுமான் - சாய்ரா பானு தம்பதிக்கு ஏ.ஆர்.ஆர்.அமீன் என்ற மகனும், கதீஜா, ரெஹிமா என இரு மகள்களும் உள்ளனர். இதில் மூத்த மகளான கதீஜா ரகுமானுக்கு தான் தற்போது திருமணம் நிச்சயிக்கப்பட்டுள்ளது.
மணமகன் பெயர் ரியாஸ்தீன் ஷேக். இவர் தொழிலதிபராக இருப்பதாக கூறப்படுகிறது. கடந்த மாதம் 22-ந் தேதி கதீஜா - ரியாஸ்தீன் ஷேக் திருமண நிச்சயதார்த்தம் மிகவும் எளிய முறையில் நடந்தது. இதில் நெருங்கிய உறவினர்கள் மற்றும் நண்பர்கள் மட்டுமே கலந்து கொண்டனர்.
தற்போது நிச்சயதார்த்தம் மட்டுமே முடிந்துள்ளது, ஆனால் திருமண தேதி இன்னும் அறிவிக்கப்படவில்லை. கதீஜா ரகுமான் தந்தையைப் போல் இசையின் மீது ஆர்வம் கொண்டவர். இவர் ஷங்கர் இயக்கத்தில் ரஜினி நடித்த எந்திரன் படத்தில் இடம்பெறும் புதிய மனிதா பாடலை பாடினார்.
இதுதவிர சுயாதீன இசையிலும் ஆர்வம் கொண்டுள்ள கதீஜா, பல்வேறு இசை ஆல்பங்களையும் வெளியிட்டு உள்ளார். இவர் இஸ்லாமிய கோட்பாடுகளை தீவிரமாக பின்பற்றுகிறவர் என்பது குறிப்பிடத்தக்கது.
தமிழ் சினிமா (Tamil Cinema News), டிவி நிகழ்ச்சிகள் (Tamil TV Shows), செலிபிரிட்டி செய்திகள் மற்றும் சமீபத்திய அப்டேட்களுக்காக ஏஷ்யாநெட் தமிழ் நியூஸின் பொழுதுபோக்கு பிரிவை ஆராயுங்கள். சினிமா விமர்சனங்கள் (Tamil Movies Review), நட்சத்திரங்களின் நேர்காணல்கள், தொடர்களில் நடக்கும் ட்ராமா மற்றும் பொழுதுபோக்கு உலகின் டிரெண்ட்ஸ்பாட்டிங்குடன் எப்போதும் புதுப்பித்த நிலையில் இருங்கள். திரையரங்குப் பின்னணி கதைகள்,டிரெய்லர் வெளியீடுகள்மற்றும் ரெட் கார்பெட் தருணங்களை அறிந்து கொள்ளுங்கள்.