Annaattheஅண்ணாத்த படம் நெட்ஃப்ளிக்ஸ் இணையதளத்தில் அதிக நபர்கள் பார்த்த படமாகவும் முதல் இரண்டு இடங்களில் ட்ரெண்டாகி வருவதாகவும் ரசிகர்கள் கொண்டாடி வருகின்றனர்.
சிறுத்தை சிவா இயக்கத்தில் ரஜினி நடிப்பில் வெளியாகி வரவேற்பை பெற்று வரும் திரைப்படம் அண்ணாத்த. முழுக்க முழுக்க செண்டிமெண்ட் படமாக உருவாகியுள்ள இதில் கீர்த்தி சுரேஷ், நயன்தாரா, குஷ்பு, மீனா, சூரி ,பிரகாஷ் ராஜ் என நட்சத்திர பட்டாளமே களமிறங்கி இருந்தது. கொரோனா ஊரடங்கு, படக்குழுவினருக்கு கொரோனா தொற்று என தாமதமான "அண்ணாத்த" சன் பிக்சர்ஸின் பிளான் படி தீபாவளி வெடியாக ரிலீசானது.
இதற்கிடையே அண்ணாத்த படம் தயாரிப்பு நிறுவனம் எதிர்பார்த்த வசூலைகொடுக்கவில்லை என சொல்லப்படுகிறது. தியேட்டர் வெளியீட்டிற்குப்பிறகான டிஜிட்டல் உரிமையை படத்தை தயாரித்த சன் நெக்ஸ்ட் நிறுவனமும், நெட்ஃப்ளிக்ஸ் நிறுவனம் கைப்பற்றியிருந்தது. அதன்படி 20 நாட்கள் கழித்து சன் நெக்ஸ்ட் ஓடிடி தளத்திலும், நெட்ஃப்ளிக்ஸ் ஓடிடி தளத்திலும் ‘அண்ணாத்த’ வெளியாகியிருக்கிறது.
ரசிகர்கள் போதிய ஆதரவு கிடைக்காத காரணத்தால் தான் அண்ணாத்த குறுகிய காலத்திலேயே இணையத்தில் வெளியிடப்பட்டுள்ளதாக கூறப்படுகிறது. அதோடு ரசிகர்களின் நீண்ட நாள் எதிர்பார்ப்பாக இருந்த சிம்புவின் மாநாடு ரசிகர்கள் மத்தியில் நல்ல வரவேற்பை பெற்றுள்ளது. இதுவும் ரஜினி படம் விரைவில் ஓடிடிக்கு போக ஒரு காரணம் என சொல்லப்பட்டது.
இதனையடுத்து, இந்த படம் வெளிநாடுகளில் வசூலில் சொதப்பியதாக தகவல் வெளியாகியுள்ளது. அதன்படி, இந்த திரைப்படம் வெளிநாட்டில் 45 கோடி தான் வசூல் செய்துள்ளதாக கூறப்படுகிறது.
இந்நிலையில் அண்ணாத்த படம் நெட்ஃப்ளிக்ஸ் இணையதளத்தில் அதிக நபர்கள் பார்த்த படமாகவும் முதல் இரண்டு இடங்களில் ட்ரெண்டாகி வருவதாகவும் ரசிகர்கள் கொண்டாடி வருகின்றனர். இதில் முதல் இடத்தை அண்ணாத்த (தமிழ்), 2-ம் இடத்தை (இந்தி), 9 வது இடத்தில் அண்ணாத்த (தெலுங்கு ) இடம் பிடித்துள்ளது.