AnandhamVilaiyadumVeedu : குடும்ப உறவுகள் சார்ந்த கதைக்களமான ஆனந்தம் விளையாடும் வீடு படத்தின் பாடல்கள் மற்றும் டிரைலர் நாளை வெளியாகும் என படக்குழு அறிவித்துள்ளது.
நடிகர் கௌதம் கார்த்திக் மற்றும் இயக்குநர் சேரன் முன்னணி கதாபாத்திரங்களில் நடிக்கும் படம் , “ஆனந்தம் விளையாடும் வீடு”. இந்த படத்தில் நாயகியாக ஷிவத்மிகா ராஜசேகர் நடிக்கிறார். மேலும் சரவணன், டேனியல் பாலாஜி, வெண்பா, மொட்ட ராஜேந்திரன், விக்னேஷ், சிங்கம் புலி, கும்கி ஜொ மல்லூரி, பாடலாசிரியர் சினேகன், நமோ நாராயணன், சௌந்தராஜன், மௌனிகா, மைனா, பருத்திவீரன் புகழ் சுஜாதா, பிரியங்கா, நக்கலைட்ஸ் தனம் என ஒரு பெரும் நடச்சத்திரப் பட்டாளமே நடித்து வருகின்றனர்.
ஶ்ரீவாரி ஃபிலிம் சார்பில் தயாரிப்பாளர் பி.ரங்கநாதன் தயாரிக்கும் இப்படத்தை இயக்குநர் நந்தா பெரியசாமி இயக்கி வருகிறார். 'சிவப்பு மஞ்சள் பச்சை' புகழ் சித்துகுமார் இசையமைக்கும் இப்படத்தை பி.ரங்கநாதன் தயாரித்து வருகிறார்.
இது குறித்து சமீபத்தியில் பேசியிருந்த தயாரிப்பாளர் “ஆனந்தம் விளையாடும் வீடு” படம் உருவாகி வரும் விதம், மனதிற்கு மிகுந்த திருப்தியை அளித்துள்ளது. சேரன் மற்றும் கௌதம் கார்த்திக் பங்குபெறும் காட்சிகள் மிக அற்புதமாக உருவாகியுள்ளது. பல பெரிய நட்சத்திரங்கள் இணைந்து நடிப்பதும், படப்பிடிப்பில் குடும்ப உறவைகளைப் போலவே பழகுவதும் மனதிற்குப் பெரும் மகிழ்ச்சியைத் தருகிறது. என தெரிவித்திருந்தார்.
இந்நிலையில் குடும்ப உறவுகள் சார்ந்த கதைக்களமான ஆனந்தம் விளையாடும் வீடு படத்தின் பாடல்கள் மற்றும் டிரைலர் நாளை வெளியாகும் என படக்குழு அறிவித்துள்ளது. இதில் பிக் பாஸ் நிகழ்ச்சியில் கலந்து கொண்ட பிறகு நீண்ட இடைவேளைக்கு பிறகு இயக்குனர் சேரன் நடித்துள்ளார் என்பதால் இந்த படம் குறித்த எதிர்பார்ப்பு அதிகரித்துள்ளது.
இதைத்தொடர்ந்து பிக் பாஸ் புகழ் ஆரிஅர்ஜுனன், உள்ளிட்ட பிரபலங்கள் வாழ்த்து கூறி வருகின்றனர்.
Best wishes from anna fans sir ❤️ https://t.co/7zg0A5xAg2
— Aari Arujunan Fan (@AariArjunan_fan)