அட்லீ - அல்லு அர்ஜுன் இணையும் 800 கோடி பட்ஜெட் படம் பற்றி வெளிவந்த மெர்சலான அப்டேட்

அட்லீ இயக்கத்தில் அல்லு அர்ஜுன் நடிக்க உள்ள பிரம்மாண்ட திரைப்படத்தின் படப்பிடிப்பு எப்போது தொடங்கும் என்பது பற்றிய அப்டேட் வெளியாகி உள்ளது.

Atlee - Allu Arjun Movie Update : ஐகான் ஸ்டார் அல்லு அர்ஜுன் தனது திரைப்பயணத்தில் மிகப்பெரிய பட்ஜெட் படத்தில் நடிக்கவுள்ளார். பான் இந்தியா பட இயக்குனர் அட்லீ இயக்கத்தில் அல்லு அர்ஜுனின் அடுத்த படம் சமீபத்தில் அறிவிக்கப்பட்டது. 800 கோடி ரூபாய் பட்ஜெட்டில் சன் பிக்சர்ஸ் நிறுவனம் இந்த படத்தை தயாரிக்கவுள்ளது. இதன் அறிவிப்பு வீடியோ வெளியானதும், நாடு முழுவதும் இந்த படத்தின் மீதான எதிர்பார்ப்பு அதிகரித்துள்ளது. இயக்குனர் அட்லீ இந்த படத்தை இணை பிரபஞ்சம் (Parallel Universe) என்ற கான்செப்ட்டில் உருவாக்கவுள்ளதாக தகவல்கள் தெரிவிக்கின்றன.

அல்லு அர்ஜுன் படத்துக்கு 800 கோடி பட்ஜெட்

அல்லு அர்ஜுன் இந்த படத்தில் புதிய தோற்றத்தில் நடிக்கவுள்ளார். இந்த படத்தின் படப்பிடிப்பு குறித்த புதிய தகவல் தற்போது வைரலாகி வருகிறது. ஜூன் மாதம் முதல் படத்திற்கான ஆரம்பக்கட்ட பணிகள் தொடங்கும். ஜூன் மாத மத்தியில் அல்லு அர்ஜுன் இந்த படத்திற்கான பயிற்சிப் பட்டறையில் கலந்துகொள்வார். அதேபோல், ஒத்திகை படப்பிடிப்பும் நடைபெறும். 800 கோடி ரூபாய் பட்ஜெட்டில் உருவாகும் படம் என்பதால் அட்லீ அனைத்து முன்னெச்சரிக்கை நடவடிக்கைகளையும் எடுத்து வருகிறார். அதனால்தான் படப்பிடிப்புக்கு முன்பாகவே பயிற்சிப் பட்டறைகள் நடத்தப்படவுள்ளன.

அட்லீ - அல்லு அர்ஜுன் பட ஷூட்டிங் எப்போது?

செப்டம்பர் மாதம் முதல் படத்தின் வழக்கமான படப்பிடிப்பு தொடங்கும் என எதிர்பார்க்கப்படுகிறது. புஷ்பா 2 படத்திற்கு பிறகு அல்லு அர்ஜுன் நடிக்கும் படமும், ஜவான் படத்திற்கு பிறகு அட்லீ இயக்கும் படமும் என்பதால் எதிர்பார்ப்பு அதிகமாக உள்ளது. இணை பிரபஞ்சம், வேற்றுகிரகவாசிகள் போன்ற கான்செப்ட்களில் இதுவரை ஹாலிவுட் படங்கள் மட்டுமே வெளிவந்துள்ளன. ஆனால் அட்லீ, அல்லு அர்ஜுன் கூட்டணி முதன்முறையாக ஹாலிவுட் தரத்தில் ஒரு படத்தை உருவாக்கவுள்ளது என்பதால் ஆர்வம் அதிகரித்துள்ளது.

அல்லு அர்ஜுனுக்கு ஜோடி யார்?

இணை பிரபஞ்சத்தில் அல்லு அர்ஜுன் ஒரு ஹீரோவாக நடிக்கவுள்ளார். இந்த படத்தில் நீருக்கு அடியில் நடைபெறும் சண்டைக்காட்சிகள் முக்கிய ஈர்ப்பாக இருக்கும் என கூறப்படுகிறது. இந்த படத்தில் ஜான்வி கபூர், மிருணாள் தாக்கூர் போன்ற நடிகைகள் நடிக்க வாய்ப்புள்ளதாக தகவல்கள் தெரிவிக்கின்றன. தற்போது அல்லு அர்ஜுன் தனது தோற்றத்தை மாற்றிக்கொள்ளும் பணியில் ஈடுபட்டுள்ளார். இந்திய சினிமாவை அடுத்தகட்டத்துக்கு கொண்டு செல்லும் படமாக இது இருக்கும் என எதிர்பார்க்கப்படுகிறது.