அந்த ஷூட்டிங் இல்லைனா? இனி இங்க ஷூட்டிங்! அஜித்தின் லிஸ்டில் இணைந்த புது ஹாபி! வெளியானது வீடியோ
சுருக்கம்
சமீபத்தில் வெளியான 'விஸ்வாசம்' படத்தின் மூலம், மீண்டும் பாக்ஸ் ஆபிஸ் கிங் என்பதை நிரூபித்துவிட்டார் தல அஜித். இந்த படத்தை தொடர்ந்து எப்போதும் போல் குடும்பத்துடன் ஜாலியாக வெளிநாட்டிற்கு சுற்றுலா செல்வார் அஜித், என ரசிகர்கள் எதிர்பார்த்த நிலையில் மிகவும் கூலாக தன்னுடைய அடுத்த படத்தை பற்றி அறிவித்து அந்த படத்தின் பூஜையும் போட்டுவிட்டார்.
சமீபத்தில் வெளியான 'விஸ்வாசம்' படத்தின் மூலம், மீண்டும் பாக்ஸ் ஆபிஸ் கிங் என்பதை நிரூபித்துவிட்டார் தல அஜித். இந்த படத்தை தொடர்ந்து எப்போதும் போல் குடும்பத்துடன் ஜாலியாக வெளிநாட்டிற்கு சுற்றுலா செல்வார் அஜித், என ரசிகர்கள் எதிர்பார்த்த நிலையில் மிகவும் கூலாக தன்னுடைய அடுத்த படத்தை பற்றி அறிவித்து அந்த படத்தின் பூஜையும் போட்டுவிட்டார்.
தற்போது இந்த படத்தின் படப்பிடிப்பு ஆந்திராவில் படுவேகமாக நடந்து வருகிறது. பாலிவுட்டில் வெளியாகி மிகப்பெரிய வெற்றி பெற்ற 'பிங்க்' படத்தின் ரீமேக்காக இந்த படம் உருவாகி வருகிறது. இந்த படத்தை 'சதுரங்க வேட்டை', 'தீரன் அதிகாரம் ஒன்று', ஆகிய படங்களை இயக்கிய வினோத் இயக்குகிறார். நடிகை ஸ்ரீதேவியின் கணவர் போனி கபூர் தயாரிக்கிறார்.
பிஸியாக நடித்துக்கொண்டுக்கும் நிலையில் அஜித் குறித்த ஒரு வீடியோ வைரலாக பரவி வருகிறது. அதாவது அஜித் புதிய விளையாட்டின் மீது ஆர்வம் காட்டி வருவது இதில் இருந்து தெரிகிறது.
ஏற்கனவே பைக் ரேஸ், கார் ரேஸ், போட்டோகிராபி என பல்வேறு விஷயங்களில் தன்னுடைய ஆர்வத்தை வெளிப்படுத்தி வரும் அஜித்தின் லிஸ்டில் புதிதாக இணைந்துள்ளது துப்பாக்கி சுடுதல்.
இவர் சமீபத்தில் சென்னை ரிப்பில் கிளப்பில் பயிற்சியில் ஈடுபட்டபோது எடுக்கப்பட்ட புகைப்படம் மற்றும் அவர் பயிற்சிக்கு செல்லும் போது குழந்தைகள் சிலர் அவரிடம் ஆட்டோகிராப் வாங்கிய வீடியோ வெளியாகியுள்ளது. இதில் இருந்து படத்தின் ஷூட்டிங் இல்லை என்றால் இனி இவரை இந்த ஷூட்டிங்கில் பார்க்க வாய்ப்பு உண்டு.
தமிழ் சினிமா (Tamil Cinema News), டிவி நிகழ்ச்சிகள் (Tamil TV Shows), செலிபிரிட்டி செய்திகள் மற்றும் சமீபத்திய அப்டேட்களுக்காக ஏஷ்யாநெட் தமிழ் நியூஸின் பொழுதுபோக்கு பிரிவை ஆராயுங்கள். சினிமா விமர்சனங்கள் (Tamil Movies Review), நட்சத்திரங்களின் நேர்காணல்கள், தொடர்களில் நடக்கும் ட்ராமா மற்றும் பொழுதுபோக்கு உலகின் டிரெண்ட்ஸ்பாட்டிங்குடன் எப்போதும் புதுப்பித்த நிலையில் இருங்கள். திரையரங்குப் பின்னணி கதைகள்,டிரெய்லர் வெளியீடுகள்மற்றும் ரெட் கார்பெட் தருணங்களை அறிந்து கொள்ளுங்கள்.