குடும்பஸ்தனாக முதல் பர்த்டே.. ஒட்டுமொத்த காதலை கொட்டித்தீர்த்த ஆசை மனைவி - ரெடின்னுக்காக சங்கீதா போட்ட பதிவு!

Redin Kingsley Birthday : பிரபல வெள்ளித்திரை நடிகர் ரெடின் கிங்ஸ்லி அவர்களுக்கும், பிரபல சின்னத்திரை மற்றும் வெள்ளித்திரை நடிகை சங்கீதாவிற்கும் கடந்த டிசம்பர் 10ம் தேதி திருமணம் நடந்தது.

பிரபல சின்னத்திரை மற்றும் வெள்ளித்திரை நடிகை சங்கீதா சென்னையில் கடந்த 1978ம் ஆண்டு டிசம்பர் மாதம் 31ம் தேதி பிறந்தவர். தற்பொழுது 45 வயதாகும் சங்கீதா மராத்திய மொழியில் வெளியான ஒரு திரைப்படத்தின் மூலம் தான் முதன் முதலில் திரைத்துறையில் அறிமுகமானார். அதன் பிறகு மெல்ல மெல்ல தமிழ் மொழியிலும் நடிக்க துவங்கினார்.

லோகேஷ் கனகராஜ் இயக்கத்தில் தமிழில் வெளியான தளபதி விஜயின் மாஸ்டர் மற்றும் சந்தானத்தின் பாரிஸ் ஜெயராஜ் உள்ளிட்ட திரைப்படங்களில் நடித்த அவர் தற்பொழுது பிரபல சன் டிவியில் ஒளிபரப்பாகி வருகின்ற சின்னத்திரை நாடகங்களிலும் முன்னணி கதாபாத்திரம் ஏற்று தொடர்ச்சியாக நடித்து வருகிறார் என்பது குறிப்பிடத்தக்கது. சங்கீதாவிற்கு பெரிய அளவில் பட வாய்ப்புகள் இல்லை என்றாலும் சீரியல்களில் அவர் தொடர்ச்சியாக நடித்த வருகின்றார். 

நடிகை சங்கீதாவுக்கு Shivhiya என்ற மகளும் உள்ளார்.  ரெடினை திருமணம் செய்யும் முன்வே அவருக்கு கடந்த 2009 ஆம் ஆண்டு முதல் திருமணம் நடைபெற்றது. அவருடைய முதல் கணவரின் பெயர் கிரிஷ். இவர்கள் இருவரும் இணைந்து பல ஆண்டு காலம் ஒன்றாக வாழ்ந்து வந்த நிலையில் அவர்களுக்கு ஒரு பெண் குழந்தை பிறந்தது. ஆனால் சில ஆண்டுகளுக்கு முன்னதாக சில குடும்ப பிரச்சனை காரணமாக சங்கீதா அவரது முதல் கணவரை பிரிந்தார்.

இப்பொது தனது கணவர் நடிகர் ரெடினுடன் தனது புதிய வாழ்க்கையை துவங்கியுள்ள சங்கீதா, குடும்பஸ்தனாக தனது முதல் பிறந்தநாளை நேற்று கொண்டாடிய தனது கணவருக்கு வாழ்த்துக்களை கூறியுள்ளார். "கணவனாக நீங்கள் கொடுத்த அன்பையும், பாசத்தையும் என்னால் என்றும் மறக்க முடியாது.. இது போல் இன்னும் பல பிறந்தநாள் கொண்டாட வாழ்த்துகிறேன்.. என் அன்புக்கும், அமைதிக்கும் இனிய பிறந்தநாள் வாழ்த்துக்கள்" என்று கூறி வாழ்த்து தெரிவித்துள்ளார்.