பசுபதியின் நாயகிக்கு பிறந்தநாள்.. நாட்டாமையோடு சென்று வாழ்த்து சொன்ன ராதிகா - இணையத்தில் போட்டோஸ் வைரல்!

பிரபல நடிகை மீனா இன்று செப்டம்பர் 16ம் தேதி தனது 47வது பிறந்தநாளை கொண்டாடிய நிலையில், சினேகா, அனிதா விஜயகுமார் உள்பட பல திரைப்பிரபலன்கள் ஒன்று கூடி, அவருடைய வீட்டுக்கு சர்பிரைஸ் விசிட் ஒன்று அடித்து இன்ப அதிர்ச்சி கொடுத்துள்ளனர்.

குழந்தை நட்சத்திரமாகவே சுமார் 20க்கும் மேற்பட்ட திரைப்படங்களில் நடித்து புகழ்பெற்ற நடிகை தான் மீனா. சென்னையில் பிறந்த மீனா துரைராஜ் 1982 ஆம் ஆண்டு நடிகர் திலகம் சிவாஜி கணேசன் நடிப்பில் வெளியான நெஞ்சங்கள் என்ற திரைப்படத்தின் மூலம் குழந்தை நட்சத்திரமாக அறிமுகமானார். அன்புள்ள ரஜினிகாந்த் என்ற திரைப்படத்தில் இவர் சூப்பர் ஸ்டார் ரஜினிகாந்த் அவர்களுடன் குழந்தை நட்சத்திரமாக நடித்திருந்தது குறிப்பிடத்தக்கது. 

அதன் பிறகு 1990 ஆம் ஆண்டு வெளியான ஒரு புதிய கதை என்ற திரைப்படத்தின் மூலம் தமிழில் இவர் நாயகியாக களமிறங்கினார். அதன் பிறகு 1993ம் ஆண்டு சூப்பர் ஸ்டார் ரஜினிகாந்த் நடிப்பில் வெளியான எஜமான் திரைப்படத்தில் அவருக்கு நாயகியாக நடித்து புகழின் உச்சிக்கே சென்றார் நடிகை மீனா. கடந்த 33 ஆண்டுகளுக்கும் மேலாக தமிழ் திரை உலகில் மட்டுமல்லாமல், இந்திய திரை உலகின் பல மொழிகளில் முன்னணி நாயகியாக நடித்து வருகின்றார் நடிகை மீனா. 

சூப்பர் ஸ்டார் ரஜினிகாந்த், உலக நாயகன் கமல்ஹாசன், சத்யராஜ், அர்ஜுன், கார்த்திக் என்று பல முன்னணி நட்சத்திரங்களுடன் ஜோடியாக நடித்துள்ளார். கடந்த 2009 ஆம் ஆண்டு வித்யாசாகர் என்பவருக்கும் இவருக்கும் திருமணமான நிலையில், அவர் சென்ற 2022 ஆம் ஆண்டு உடல் நலக்குறைவாக காரணமாக காலமானது குறிப்பிடத்தக்கது. 

தற்பொழுது தனது கணவரின் பிரிவிலிருந்து மீண்டு திரைப்படங்களில் நடிக்க முனைப்பு காட்டி வரும் நடிகை மீனா அவர்கள் இன்று தனது 47வது பிறந்த நாளை கொண்டாடிய நிலையில், நடிகை சினேகா, மருத்துவர் அனிதா விஜயகுமார் உள்ளிட்ட பல முன்னணி நட்சத்திரங்கள் அவரது வீட்டிற்கு சர்ப்ரைஸ் ஆக சென்று அவருக்கு இன்ப அதிர்ச்சி கொடுத்தனர். 

இந்நிலையில் அவருடன் பல திரைப்படங்களில் நாயகனாக தோன்றிய சரத்குமார் அவர்களும், அவருடைய மனைவியும் தமிழ் திரை உலகின் மூத்த நடிகையுமான ராதிகா சரத்குமாரும் நேரில் சென்று பூங்கொத்துக்களை அவருக்கு தனது வாழ்த்துக்களை தெரிவித்துள்ளார்.