தனது செல்லப்பிராணியுடன் 'எனிமி' பாடலுக்கு நடன அசைவுகளை செய்தபடி கீர்த்தி சுரேஷ் வெளியிட்டுள்ள வீடியோ வைரலாகி வருகிறது.
தற்போது சிரஞ்சீவியுடன் வேதாளம் ரீமேக், மகேஷ் பாபுவுடன் ‘சர்காரு வாரி பாட்ட சுரு’, மோகன் லாலுடன் மரைக்காயர் என பல்வேறு மொழி படங்களில் பிசியாக நடித்து வரும் கீர்த்தி சுரேஷ், அடுத்ததாக தனது சொந்த தயாரிப்பில் மலையாள படத்தில் நடிக்க இருக்கிறார்.
‘வாஷி’ என பெயரிடப்பட்டுள்ள இப்படத்தை விஷ்ணு ஜி ராகவ் இயக்குகிறார். இப்படத்தில் கீர்த்தி சுரேஷுக்கு ஜோடியாக தமிழில் தனுஷின் மாரி 2 படத்தில் வில்லனாக நடித்த டோவினோ தாமஸ் நடிக்க உள்ளார்.
இதற்கிடையே அண்ணாத்த படத்தில் ரஜினியின் தங்கையாக வந்து ரசிகர்களை கண்ணீர் மழையில் ஆழ்த்தியு கீர்த்தி சுரேஷ், முதல் முதலாக தமிழில் நடிகர் விக்ரம் பிரபுவுக்கு ஜோடியாக 'இது என்ன மாயம்' படத்தில் அறிமுகமானார். இந்த படம் தோல்வியை சந்தித்தாலும், இதை தொடர்ந்து சிவகார்த்திகேயனுக்கு ஜோடியாக இவர் நடித்த, 'ரஜினிமுருகன்' மற்றும் 'ரெமோ' ஆகிய படங்கள் அடுத்தடுத்து வெற்றி பெற்றது.
குறுகிய காலத்திலேயே விஜய், சூர்யா, விக்ரம் ஆகியோரின் படங்களில் நடித்ததன் மூலம் தமிழ் சினிமாவின் முன்னணி கதாநாயகியாக வளர்ந்தார். பின்னர் தெலுங்கில் ‘மகாநடி’ படத்தில் நடித்து தேசிய விருதும் பெற்றார்.
தனது படப்பிடிப்புக்கு இடையே அவ்வப்போது கீர்த்தி வெளியிடும் புகைப்படங்களும், வீடியோக்களும் ரசிகர்கள் மத்தியில் நல்ல வரவேற்பை பெற்று வருகிறது. அந்த வகையில் தற்போது தனது செல்லப்பிராணியுடன் இனிமை பாடலுக்கு நடன ஆசைவுகளை செய்தபடி கீர்த்தி சுரேஷ் வெளியிட்டுள்ள வீடியோ வைரலாகி வருகிறது.