இணையத்தை கலக்கும் திரிஷா - விஜய்சேதுபதியின் '96' பட நியூ வீடியோ..!

இயக்குனர் சி.பிரேம்குமார் இயக்கத்தில், கடந்த 2018 ஆம் ஆண்டு, அக்டோபர் மாதம் 4 ஆம் தேதி வெளியான திரைப்படம், '96 ' நான்கு ஆண்டுகளாக ஒரு வெற்றி படத்தையாவது கொடுக்க வேண்டும் என போராடி வந்த நடிகை 'திரிஷாவிற்கு' இப்படம் மிகப்பெரிய வெற்றி படமாக அமைந்தது.

விஜய் சேதுபதி, இந்த படத்தில் புகைப்பட கலைஞராக நடித்திருந்தார். ராம் - ஜானு என்கிற கதாப்பாத்திரங்களில் நடித்திருந்த இவர்களுடைய நடிப்பு ஒட்டு மொத்த ரசிகர்களையும் கவரும் விதமாக இருந்தது. அதே போல் சிறிய வயது ராம், ஜானுவாக நடித்த கௌரி மற்றும் ஆதித்யாவின் நடிப்பும் வேற லெவல்.

தன்னுடைய பள்ளி நண்பர்களை நீண்ட வருடங்களுக்கு பிறகு சந்திக்கும் போது ஏற்படும் புதுவிதமான அனுபவங்கள், அவர்களுடைய சிறு வயது காதல் என, ஒவ்வொருவர் வாழ்க்கையிலும் நடந்த எதார்த்தமான விஷயங்களை வைத்து சுவாரஸ்யமாக உருவான திரைப்படம் தான் '96' . இந்த படத்தை இயக்குனர் பிரேம்குமார் இயக்கி இருந்தார். இந்த படத்தை மெட்ராஸ் என்டர்பிரைசஸ் நிறுவனம் தயாரித்திருந்தது. 

இந்த படத்தை பார்த்த ரசிகர்கள் பலர் மீண்டும் தங்களுடைய பள்ளி நண்பர்களை பார்த்ததாகவும், இந்த படம் தங்களுடைய வாழ்க்கையை திரும்பி பார்க்க வைத்ததாகவும் உணர்ச்சிவசத்தோடு தெரிவித்தனர். இதுவே இந்த படத்தின் வெற்றியாகவும் கருதப்பட்டது.

இந்நிலையில் இந்த படம் வெளியாகி இரண்டு வருடம் ஆகும் நிலையில், இயக்குனர் பிரேம் குமார், இந்த படத்தில் விஜய் சேதுபதிக்கு கதை சொல்லும் வீடியோ ஒன்றை வெளியிட்டுள்ளார். இதில் நடிகை த்ரிஷாவும் உள்ளார். இருவரும் தரையில் அமர்ந்திருக்கும் காட்சி இதில் இடம்பெற்றுள்ளது.

இந்த விடியோவை ரசிகர்கள் ரசிகர்கள் பலர் சமூக வலைத்தளத்தில் அதிகம் பகிர்ந்து வருகிறார்கள். இந்த படம் தமிழில் வெற்றி பெற்றதை தொடர்ந்து தெலுங்கு, கன்னடம் ஆகிய மொழிகளிலும் ரீமேக் செய்யப்பட்டது. ஆனால் எதிர்பார்த்த அளவிற்கு வெற்றி பெறவில்லை என்பது குறிப்பிடத்தக்கது.