“டாக்டர்” பட ரிலீஸ் எப்போது?... சிவகார்த்திகேயன் வெளியிட்ட லேட்டஸ்ட் அப்டேட்...!

இந்நிலையில் “டாக்டர்’ பட ரிலீஸ் தேதி குறித்து சற்று முன் சிவகார்த்திகேயன் தன்னுடைய ட்விட்டர் பக்கத்தில் அதிகாரப்பூர்வ அறிவிப்பை வெளியிட்டுள்ளார்.

கோலமாவு கோகிலா பட இயக்குநர் நெல்சன் இயக்கத்தில் சிவகார்த்திகேயன் நடித்துள்ள திரைப்படம் ‘டாக்டர்’. இந்த படம் மூலமாக தெலுங்கில் ‘கேங்ஸ்டர்’ படத்தில் நடித்த பிரியங்கா மோகன் தமிழில் அறிமுகமாகிறார். யோகிபாபு, வினய் உள்ளிட்டோர் முக்கிய கதாபாத்திரத்தில் நடித்துள்ளனர். இந்த படத்தை கே.ஜே.ஆர். ஸ்டூடியோஸ் உடன் இணைந்து, சிவகார்த்திகேயனின் சொந்த நிறுவனமான எஸ்.கே.புரொடக்‌ஷனும் தயாரித்துள்ளது. 

ராக் ஸ்டார் அனிருத் இசையமைத்துள்ள இந்த படத்தில் இருந்து ‘செல்லம்மா செல்லம்மா’ பாடல் வெளியாகி சோசியல் மீடியாவில் வைரலானது. தற்போது இந்த படத்தின் இறுதிக்கட்ட பணிகள் தீவிரமாக நடைபெற்று வந்தன. சமீபத்தில் கூட சிவகார்த்திகேயன் தன்னுடைய ட்விட்டர் பக்கத்தில் டப்பிங் பணிகள் நடந்து கொண்டிருப்பதாக புகைப்படத்துடன் அறிவித்தார். 

இதையும் படிங்க: “பாரதி கண்ணம்மா” சீரியல் வில்லி ஃபரீனாவின் கணவரை பார்த்திருக்கீங்களா?... ஜோடியாக வெளியிட்ட கலக்கல் போட்டோ..!

இந்நிலையில் “டாக்டர்’ பட ரிலீஸ் தேதி குறித்து சற்று முன் சிவகார்த்திகேயன் தன்னுடைய ட்விட்டர் பக்கத்தில் அதிகாரப்பூர்வ அறிவிப்பை வெளியிட்டுள்ளார். அதன்படி மார்ச் 26ம் தேதி டாக்டர் திரைப்படம் தியேட்டர்களில் வெளியாகும் என குறிப்பிட்டுள்ளார். ஏற்கனவே தனுஷ் நடித்த ஜகமே தந்திரம் திரைப்பட ரிலீஸ் ஓடிடியா? தியேட்டரா? என ஊசலாடி வரும் நிலையில், டாக்டர் படத்தை தியேட்டர்களில் வெளியிடுவதாக சிவகார்த்திகேயன் அறிவித்துள்ளது ரசிகர்களை மகிழ்ச்சியில் ஆழ்த்தியுள்ளது.