இந்த 5 வங்கிகளின் FD இல் முதலீடு செய்யுங்க.. வரியை எளிதாக குறைக்கலாம் - முழு விபரம் இதோ !!
By Raghupati R | First Published Oct 8, 2023, 9:36 PM ISTகுறிப்பிட்ட 5 வங்கிகளின் FD இல் முதலீடு செய்வதன் மூலம் நீங்கள் வரியைச் சேமிக்கலாம். இதன் மூலம் உங்களுக்கு பெரும் வட்டி கிடைக்கும்.
நீங்கள் வரியைச் சேமிப்பதோடு நல்ல வருமானத்தையும் பெற விரும்பினால், நீங்கள் Tax Saver FD இல் முதலீடு செய்ய வேண்டும். இந்த FD இல் முதலீடு செய்வதன் மூலம், வருமான வரிச் சட்டத்தின் கீழ் வரி விலக்கு பெறுவீர்கள். சில வங்கிகள் தற்போது வரி சேமிப்பான FDக்கு பெரும் வட்டியை வழங்குகின்றன.
2023-24 நிதியாண்டிற்கான வரியைச் சேமிக்க, மார்ச் 31, 2023க்குள் முதலீடு செய்ய வேண்டும். பெரும்பாலான முதலாளிகள் அல்லது நிறுவனங்கள் ஜனவரி அல்லது பிப்ரவரியில் முதலீட்டு அறிவிப்பைக் கேட்கின்றன. அவசரப்பட்டு தவறான முதலீட்டு முடிவுகளை எடுப்பதைத் தவிர்க்க, இப்போதிருந்தே வரி திட்டமிடலை மேற்கொள்ள வேண்டும்.
Latest Videos
undefined
பொது வருங்கால வைப்பு நிதி (பிபிஎஃப்), தேசிய ஓய்வூதிய அமைப்பு (என்பிஎஸ்), சுகன்யா சம்ரித்தி யோஜனா (எஸ்எஸ்ஒய்) மற்றும் ஈக்விட்டி-இணைக்கப்பட்ட சேமிப்புத் திட்டம் ஆகியவற்றுடன், வரி சேமிப்பு நிலையான வைப்புகளில் பணத்தை முதலீடு செய்வதன் மூலம் வரியைச் சேமிக்கலாம்.
Moneycontrol-யின் அறிக்கையின்படி, IndusInd Bank மற்றும் Yes Bank ஆகியவை தற்போது வரி சேமிப்பு FDகளுக்கு அதிக வட்டியை வழங்குகின்றன. தற்போது, இந்த இரண்டு வங்கிகளிலும் வரி சேமிப்பு FDக்கு ரூ.7.25 வரை வட்டி கிடைக்கிறது. இங்கு முதலீடு செய்யப்படும் ரூ.1.5 லட்சமானது ஐந்தாண்டுகளில் ரூ.2.15 லட்சமாக உயரும்.
ஏசியாநெட் தமிழ் செய்திகளை உடனுக்கு உடன் Whatsapp Channel-லில் பெறுவதற்கு கீழே கொடுக்கப்பட்டு இருக்கும் லிங்குடன் இணைந்து இருக்கவும்.
Click this link: https://whatsapp.com/channel/0029Va9TFCWB4hdYZOoYCK2D
HDFC வங்கி நாட்டின் மிகப்பெரிய தனியார் துறை வங்கியாகும். ஹெச்டிஎஃப்சி வங்கியும் வரி சேமிப்பு எஃப்டிக்கு பெரும் வட்டி அளிக்கிறது. ஹெச்டிஎஃப்சி வங்கியில் வரி சேமிப்பு FD செய்தால், உங்களுக்கு 7 சதவீத வட்டி கிடைக்கும், மேலும் முதலீடு செய்த ரூ.1.5 லட்சம் ஐந்து ஆண்டுகளில் ரூ.2.12 லட்சமாக மாறும்.
யூனியன் பேங்க் ஆஃப் இந்தியா மற்றும் கனரா வங்கி ஆகியவை வரி சேமிப்பு எஃப்டிக்கு 6.7 சதவீதம் வரை வட்டியை வழங்குகின்றன. இந்த இரண்டு அரசு வங்கிகளிலும் ஐந்தாண்டுகளுக்கு ரூ.1.5 லட்சம் FD செய்தால், முதிர்வு காலத்தில் ரூ.2.09 லட்சம் கிடைக்கும்.
ஃபெடரல் வங்கி வரி சேமிப்பு FDக்கு 6.6 சதவீதம் வரை வட்டி வழங்குகிறது. ஃபெடரல் வங்கியின் வரி சேமிப்பு எஃப்டியில் முதலீடு செய்யப்படும் ரூ.1.5 லட்சம் ஐந்தாண்டுகளில் ரூ.2.08 லட்சமாக அதிகரிக்கும்.
நாட்டின் மிகப்பெரிய வங்கியான ஸ்டேட் பாங்க் ஆஃப் இந்தியா (எஸ்பிஐ) வரி சேமிப்பு எஃப்டிகளுக்கு 6.5 சதவீதம் வரை வட்டி வழங்குகிறது. பஞ்சாப் நேஷனல் வங்கி, இந்தியன் வங்கி, இந்தியன் ஓவர்சீஸ் வங்கி மற்றும் ஐடிபிஐ வங்கிகளும் 6.5 சதவீத வட்டியை வழங்குகின்றன. இந்த வங்கிகளில் முதலீடு செய்யப்படும் ரூ.1.5 லட்சமானது ஐந்தாண்டுகளில் ரூ.2.07 லட்சமாக உயரும்.
சேனலை கிளிக் செய்து பின்தொடரவும்