gold rate today: கடும் ஊசலாட்டத்தில் தங்கம் விலை: கணிக்க முடியாத நிலையால் குழப்பம: இன்றைய நிலவரம் என்ன

தங்கம் விலை கடும் ஏற்றத்தாழ்வு கடந்த சில நாட்களாக நகர்ந்து வருகிறது. கடந்த 4 நாட்களில் மட்டும் 2 முறை உயர்ந்து, குறைந்துள்ளது. ஆபரணத் தங்கம் விலை நேற்று குறைந்த நிலையில் இன்று அதிகரித்துள்ளது.

சென்னையில் இன்று காலை நிலவரப்படி,  தங்கம் விலை கிராம் ஒன்றுக்கு 36ரூபாயும், சவரணுக்கு 288 ரூபாயும் குறைந்துள்ளது.  

சென்னையில் 22 காரட் ஆபரணத் தங்கத்தின் விலை நேற்று மாலை நிலவரப்படி கிராம் ரூ.4,630க்கும், சவரண் ரூ.37,040க்கும் விற்பனை ஆனது. இன்று காலை தங்கத்தின் விலையில் மாற்றம் ஏற்பட்டுள்ளது. 

இதன்படி, சென்னையில் 22காரட் ஆபரணத் தங்கம் கிராம் ஒன்றுக்கு 36 ரூபாய் அதிகரித்து ரூ4,666ஆகவும், சவரணுக்கு ரூ.288 அதிகரித்து ரூ.37,328க்கும் விற்கப்படுகிறது.

கோவை, திருச்சி, வேலூரில்  தங்கம் கிராம் ரூ.4666ஆக விற்கப்படுகிறது. 

கடந்த 2 வாரங்களாகவே தங்கம் விலையில் பெரும் ஏற்ற இறக்கம் இருந்து வருகிறது. இந்த வாரத்தில்கூட கடந்த 4 நாட்களில் 3 முறை விலை உயர்ந்தது, ஒருமுறை விலை குறைந்துள்ளது.

அமெரிக்க பெடரல் வங்கியின் அறிவிப்பை எதிர்பார்த்துதான் சர்வதேச சந்தை, உலக நாடுகள் காத்திருக்கின்றன. இதனால் முதலீட்டாளர்கள் தங்கத்தில் முதலீடு செய்வதில் தயக்கம் காட்டுவதால், தங்கத்தின் விலையில் ஏற்ற இறக்கமும் இருந்து வருகிறது. கடந்த 3 வாரத்தில் மட்டும் தங்கம் சவரனுக்கு ரூ.2,500 வரை குறைந்துள்ளது. 

தங்கத்தின் விலை திடீரெனச் சரிந்து, சவரன் ரூ.37,040 வரை குறைந்தது இதனால் தங்கம் விலை ரூ.37ஆயிரத்துக்கு கீழ் செல்லுமா என்ற எதிர்பார்ப்பு நிலவியது. ஆனால் திடீரென இன்று சவரனுக்கு, ரூ.288 உயர்ந்துள்ளது. யாருமே கணிக்க முடியாத நிலையில் தங்கம் விலை தினசரி ஏற்ற, இறக்கத்துடன் இருக்கிறது.

வெள்ளி விலை இன்று உயர்ந்துள்ளது. வெள்ளி கிராம் ஒன்றுக்கு 60 பைசா அதிகரித்து, ரூ.61.60 ஆகவும், கிலோவுக்கு ரூ.600 உயர்ந்து, ரூ.61,600க்கும் விற்கப்படுகிறது.