ராயல் என்ஃபீல்டு விற்பனை: அக்டோபரில் ஆதிக்கம் செலுத்திய மாடல் எது?
சுருக்கம்
2025 அக்டோபர் மாத விற்பனையில் ராயல் என்ஃபீல்டு 14.68% வளர்ச்சி கண்டுள்ளது. கிளாசிக் 350 மாடல் 46,573 யூனிட்டுகளுடன் முதலிடத்தைப் பிடித்துள்ளது, அதைத் தொடர்ந்து புல்லட் 350 மற்றும் ஹண்டர் 350 ஆகியவை உள்ளன.
இந்தியாவில் ராயல் என்ஃபீல்டு என்றால் ஒரு தனி ரசிகர் கூட்டமே உள்ளது. குறிப்பாக 350cc செக்மெண்டில் இந்த பிராண்ட் இன்னும் அபாரமான ஆதரவை பெற்றுள்ளது.
2025 அக்டோபர் மாத விற்பனை தரவின்படி, மீண்டும் Royal Enfield Classic 350 முதலிடத்தை பிடித்துள்ளது. கடந்த மாதத்தில் மட்டும் இந்த மாடல் 46,573 யூனிட்டுகள் விற்பனையாகி, முந்தைய ஆண்டை ஒப்பிடுகையில் 21.61% வளர்ச்சி கண்டுள்ளது. விற்பனையில் மட்டும் அல்லாமல், சந்தைப் பங்கிலும் Classic 350 39.86% மார்க்கெட் ஷேர் பெற்றுள்ளது.
இரண்டாம் இடத்தில் ராயல் என்ஃபீல்டின் சின்னம் என சொல்லப்படும் புல்லட் 350 உள்ளது. இந்த மாத அக்டோபர் மாதத்தில் 25,560 யூனிட்டுகள் விற்கப்பட்டு, 13.65% ஆண்டு வளர்ச்சி பெற்றுள்ளது. இதன் பின்னர் மூன்றாம் இடத்தில் உள்ள Hunter 350, 21,823 யூனிட்டுகள் விற்பனையாகியுள்ளது. இந்த மாடலின் விற்பனை அதிகம் மாறாமல், 2.22% வளர்ச்சி மட்டுமே பதிவாகியுள்ளது.
அடுத்ததாக, Meteor 350 நான்காம் இடத்தை பிடித்துள்ளது. இந்த மாடல் 14,748 யூனிட்டுகள் விற்கப்பட்டு, 32.44% வளர்ச்சி என குறிப்பிடத்தக்க உயர்வை பெற்றுள்ளது. இதன் கம்ஃபர்ட் ரைடிங், டூரிங் அம்சங்கள் காரணமாக Meteor-க்கு தனியான பயனர் வட்டாரம் உருவாகியுள்ளது.
ஐந்தாம் இடத்தில் இருக்கும் Royal Enfield 650 Twins மாடல் 3,365 யூனிட்டுகள் விற்பனையாகி, 4.57% வளர்ச்சி பெற்றுள்ளது. அதேசமயம், ஆறாம் இடத்தில் இருக்கும் இமயமலை, 2,561 யூனிட்டுகள் விற்பனையாகி 16.46% வளர்ச்சி பெற்றுள்ளது. புதிய ஹிமாலயன் 452 வரவால் எதிர்காலத்தில் இந்த மாடலின் விற்பனை மேலும் உயரும் என நிபுணர்கள் கருதுகின்றனர்.
ஏழாவது இடத்தில் இருக்கும் கெரில்லா 450, இந்த மாதத்தில் 1,196 யூனிட்டுகளாக மட்டுமே விற்பனையாகி, 24.49% சரிவு கண்டுள்ளது. தோல்வி காரணமாக விற்பனை குறைந்ததாகக் கருதப்படுகிறது.
கடைசிப் பட்டியலில் Super Meteor (890 யூனிட்ஸ் – 32.06% சரிவு) மற்றும் Shotgun 650 (128 யூனிட்ஸ் – 57.48% சரிவு) இருப்பது கவனத்திற்குரியது. மொத்தமாக, ராயல் என்ஃபீல்டு கடந்த மாதத்தில் 1,16,844 மோட்டார்சைக்கிள்கள் விற்பனை செய்து, ஆண்டு அடிப்படையில் 14.68% வளர்ச்சி சாதனை படைத்துள்ளது.