சனி பெயர்ச்சி பலன் 2024: சனி தரும் சச யோகம்; தலையெழுத்து மாறும் ராசிக்காரர்கள் யார் தெரியுமா?
By Asianet Tamil | First Published Jul 15, 2024, 10:27 AM ISTகும்ப ராசியில் ஆட்சி பெற்று பயணம் செய்யும் சனி பகவான் சில ராசிக்காரர்களுக்கு கொடுக்கும் சச யோகத்தால் வாழ்க்கையில் திடீர் மாற்றங்கள் ஏற்படும். சச யோகத்தை அனுபவிக்கப்போகும் ராசிக்காரர்கள் யார் என்று பார்க்கலாம்.
பஞ்ச மகாபுருஷ யோகம்: சச யோகம் என்பது பஞ்சமகா புருஷ யோகத்தில் முக்கியமானது. சனிபகவான் சஞ்சாரத்தினால் இந்த சச யோகம் அமைகிறது. ஒருவருடைய பிறந்த ஜாதகத்தில் சனி பகவான் துலாம், மகரம் மற்றும் கும்பம் ஆகிய வீடுகளில் பயணம் செய்யும் போது அந்த வீடுகள் லக்னம் அல்லது ராசி ஆகியவற்றுக்கு 1,4,7,10 என்ற கேந்திர ஸ்தானங்களாக அமைந்திருந்தால் சசமகா யோகம் ஏற்படுகிறது.
பதவி யோகம் தரும் சனி பகவான்: சசயோகத்தில் பிறந்தவர்களுக்கு சனி பகவான் தீர்க்கமான ஆயுளை கொடுப்பார். இந்த யோகம் மிக அரிது. கும்ப ராசியில் பயணம் செய்யும் சனிபகவானால் கும்பம், ரிஷபம், சிம்மம், விருச்சிகம் லக்னகாரர்களுக்கு சசயோகத்தை தரப்போகிறார். ஆயுள் காரகனான சனியால் சச யோகம் உண்டாகும். ஜாதகர் நீண்ட ஆயுள் செல்வாக்கு அடைவார்.
Guru Peyarchi Palan 2024 Tamil: குடும்ப வாழ்க்கையில் புயலா? பூகம்பமா? ஜாதகத்தில் குரு எங்க இருக்கார் பாருங்க!
ரிஷபம்: கும்ப ராசி ரிஷப ராசி லக்னத்திற்கு பத்தாவது இடமாகும். கேந்திரத்தில் சனி பகவான் ஆட்சி பெற்று சச மகா யோகத்தை தருவதால் சுறுசுறுப்பாக இருப்பார்கள். உடல் ஆரோக்கியம் அற்புதமாக இருக்கும். கோச்சார ரீதியாக நல்ல யோகத்தை தருவார். ஆளுமை தன்மை கிடைக்கும். கடல் கடந்து செல்லும் யோகம் வரும்.
சிம்ம ராசி சிம்ம லக்னம்: சனி யோக காரகர் இல்லாவிட்டாலும் சிம்ம ராசிக்காரர்களுக்கு கண்டச்சனியாக இருப்பதால் இந்த காலத்தில் சனிப்பெயர்ச்சி சசமகா யோகத்தை தரப்போகிறது. நிர்வாகத்திறன் அதிகரிக்கும். தலைமை பதவியை ஏற்க வைப்பார்.
Latest Videos
undefined
கடகத்தில் உருவாகும் திரிகிரக யோகம்; இந்த 3 ராசிகளில் ஒருவரா நீங்கள்? அப்போ இனிமேல் ராஜ யோகம் தான்!
விருச்சிக ராசி விருச்சிக லக்னம்: சனிபகவான் நான்காம் வீட்டில் சனி பயணம் செய்வது சசமகாயோக அமைப்பாகும். அர்த்தாஷ்டம சனி என்றாலும் அதிர்ஷ்டமே. நினைத்தது நிறைவேறும். எதிரிகள், கடன்கள், நோய்கள் பிரச்சினைகள் தீரும்.ஆட்சி பெற்ற சனியால் வேலை, தொழிலில் முன்னேற்றமும் மாற்றங்களும் ஏற்படும்.
கும்ப ராசி, கும்ப லக்னம்: ஜென்ம சனியாக பயணம் செய்யும் சனிபகவான் சச மகா யோகத்தை கொடுக்கிறார். கடும் உழைப்பினால் வாழ்வில் உயர்ந்த இடத்தை அடைவார்கள். நிலையான சொத்துக்கள், நிலம், வாகனம், வீடு ஆகியவற்றை சேர்த்து வைப்பார்கள். 2025ஆம் ஆண்டு வரை சச மகாயோகத்தை அனுபவிப்பதால் ஜென்ம சனி என்றாலும் கோடீஸ்வர யோகம் தேடி வரும்.
சேனலை கிளிக் செய்து பின்தொடரவும்