டாஸ்மாக் கடைகளுக்கு 5 நாட்கள் விடுமுறை

தமிழகத்தில் மொத்தம் 4,829 டாஸ்மாக் கடைகள் இயங்கி வருகிறது. டாஸ்மாக் கடைகளில் நாள் ஒன்றுக்கு சுமார் 100 கோடிக்கு மது விற்பனை நடைபெறுகிறது.

வார விடுமுறை மற்றும் தீபாவளி, பொங்கல், புத்தாண்டு போன்ற பண்டிகை நாட்களில் வருமானம் கொட்டும். அரசுக்கு வருமானத்தை கொட்டி கொடுக்கும் துறையாக டாஸ்மாக் நிறுவனம் இருந்து வருகிறது.

ஆனால் பாமகவில் ராமதாஸ், அன்புமணி உள்ளிட்ட அரசியல் கட்சி தலைவர்கள் பூரண மதுவிலக்கை அமல்படுத்தக்கோரி வலியுறுத்தி வருகின்றனர்.

இந்நிலையில் தமிழக சட்டமன்ற தேர்தலை முன்னிட்டு 4 நாட்கள் டாஸ்மாக் கடைகளை மூட தேர்தல் ஆணையம் உத்தரவிட்டுள்ளது.

அதாவது ஏப்ரல் 21, 22, 23 ஆகிய மூன்று நாட்களுக்கு டாஸ்மாக் கடைக்கு விடுமுறை அறிவிக்கப்பட்டுள்ளது.

அதேபோல் வாக்கு எண்ணிக்கை நாளான மே 4ம் தேதியும் டாஸ்மாக் மதுபானக் கடைகள் இயங்காது. மீறி மது விற்பனை செய்தால் கடுமையான நடவடிக்கை எடுக்கப்படும்.

இதனிடையே மே 1ம் தேதி தொழிலாளர் தினத்தை முன்னிட்டு அன்றைய தினமும் டாஸ்மாக் கடைகளுக்கு விடுமுறை. மொத்தமாக 5 நாட்கள் விடுமுறை.