தீபாவளி மது விற்பனை எத்தனை கோடி

தீபாவளி பண்டிகையையொட்டி, தமிழகம் முழுவதும் அக்டோபர் 30-ம் தேதி ரூ.202 கோடியே 59 லட்சத்துக்கும், தீபாவளி நாளான 31-ம் தேதி ரூ.235 கோடியே 94 லட்சத்துக்கும் மது விற்பனையாகியுள்ளது.

இரண்டு நாட்களில் மொத்தம் ரூ.438 கோடியே 53 லட்சத்துக்கு மது விற்பனை.

மண்டல வாரியாக மதுவிற்பனை குறித்த தகவல்களும் வெளியாகி உள்ளன. ஒவ்வொரு ஆண்டும் தலைநகர் சென்னை மற்றும் தூங்கா நகரமான மதுரை ஆகிய மண்டலங்கள் மாறி மாறி முதலிடம் பிடித்து வந்தன. 

சென்னை மண்டலத்தில் கடந்த இரண்டு நாட்களில் மட்டும் 101 கோடிக்கும் மது விற்பனையாகி முதலிடத்தில் உள்ளது. 

மதுரை மண்டலத்தில் 88 கோடிக்கும் மதுப்பிரியர்கள் விரும்பி வாங்கி குடித்துள்ளனர். 

திருச்சி மண்டலத்தி 86 கோடிக்கு டாஸ்மாக் கடைகளில் மது விற்பனையாகியுள்ளது. 

சேலத்தில் 83 கோடிக்கும், கோவை மண்டலத்தில் 78 கோடிக்கும் மது விற்பனையாகியுள்ளது. 

கடந்த ஆண்டு தீபாவளி பண்டிகையில் அதிகபட்சமாக மதுரை மண்டலத்தில் ரூ.101.04 கோடிக்கு மது விற்பனையாகி இருந்தது.