தீபாவளி விடுமுறை

இந்த ஆண்டு தீபாவளி பண்டிகை வரும் 31-ம் தேதி, வியாழக்கிழமை வருகிறது. நவம்பர் 1-ம் தேதி விடுமுறை விட வேண்டும் என்று தமிழக அரசுக்கு கோரிக்கை வலுத்தது.

அதன்படி நவம்பர் 1ஆம் தேதியும் தமிழகம் முழுவதும் பொது விடுமுறையை அறிவித்து தமிழக அரசு உத்தரவிட்டது.

இதனால் வியாழன், வெள்ளி, சனி மற்றும் ஞாயிற்றிக்கிழமை எனது தொடர்ந்து 4 நாட்கள் விடுமுறை அறிவிக்கப்பட்டுள்ளது.

வியாழக்கிழமை தீபாவளி பண்டிகை கொண்டாட உள்ள நிலையில், புதன்கிழமை விடுமுறை வழங்க வேண்டும் என்ற கோரிக்கை தற்போது எழுந்துள்ளது.

ஆனால் இதற்கு தமிழக அரசு எந்தவித பதிலும் அளிக்காத நிலையில் புதுச்சேரி அரசு அக்டோபர் 30ஆம் தேதியும் பொது விடுமுறை அறிவித்துள்ளது.

அதன் படி வரும் புதன்கிழமை அரசு அலுவலகங்கள், கல்வி நிலையங்கள் இயங்காது எனவும் அறிவிக்கப்பட்டுள்ளது.

இந்த விடுமுறையை ஈடு செய்யும் விதமாக நவம்பர் 16ஆம் தேதி அரசு அலுவலங்கள், பள்ளிகள் செயல்படும் என அறிவிக்கப்பட்டுள்ளது.