தீபாவளி பரிசு தொகுப்பு

தீபாவளி பண்டிகையை முன்னிட்டு மத்திய, மாநில அரசுகள் பொதுமக்களுக்கு தீபாவளி போனஸ், தீபாவளி பரிசுப் பொருள் உள்ளிட்டவற்றை அறிவித்துள்ளன.

அந்த வகையில் கட்டிட தொழிலாளர்களுக்கு ரூ.5000 தீபாவளி போனஸாக வழங்கப்படும் என்று புதுச்சேரி முதல்வர் ரங்கசாமி அறிவித்துள்ளார்.

தீபாவளி பண்டிகையின் போது பொதுமக்களும் பயன்பெறும் வகையில் மானிய விலையில் பொருட்கள் வழங்கப்படும் என்று அறிவிக்கப்பட்டுள்ளது.

ரூ.1000 மதிப்புள்ள 10 பொருட்கள் ரூ.500க்கு வழங்கப்படும் என்று முதல்வர் அறிவித்துள்ளார்.

அதே போன்று தமிழகத்தில் ரூ.499 விலையில் 15 மளிகைப் பொருட்கள் அடங்கிய தொகுப்பை அமைச்சர் சக்கரபாணி அறிமுகப்படுத்தி உள்ளார்.

தமிழக அரசின் தொகுப்பில் மஞ்சள் தூள், உப்பு,  கடுகு, சீரகம், வெந்தயம், சோம்பு, மிளகு, மிளகாய், தனியா,  புளி,  உளுத்தம் பருப்பு

கடலைப் பருப்பு, பாசிப்பருப்பு, வறு கடலை, பெருங்காயத்தூள் ஆகியவை வழங்கப்படுகின்றன.