மகாலட்சுமி

ஒருவருக்கு லட்சுமியின் அனுகிரகம் இருந்தால் அவருக்கு எல்லா வகையான செல்வங்களும் வந்து சேரும். மகாலட்சுமி அம்சம் உள்ள பொருள்களை முறையாக பயன்படுத்தினால் நல்ல பலன் கிடைக்கும். 

வீட்டை சுத்தம் செய்ய பயன்படுத்தப்படும் துடைப்பத்தில் மகாட்சுமி வாசம் செய்கிறார். எங்கு தூய்மை உள்ளதோ அங்கு செல்வத்தின் கடவுள் லட்சுமி இருப்பாள். 

துடைப்பம், லட்சுமிக்கு இடையே உள்ள உறவு தூய்மையின் அடையாளம். இது சுக்கிரனுடனும் தொடர்புடையது. கிரகங்களில், சுக்கிரன் செல்வம், சொத்துக்களுடன் தொடர்புடையவர்.  

வீட்டில் துடைப்பம் வாங்க சனிக்கிழமை ஏற்றது. அன்று புதிய துடைப்பம் வாங்கி பயன்படுத்துவது புனிதமானதாகக் கருதப்படுகிறது. 

சமையலறையிலும், தானியங்கள் சேமிக்கும் இடத்திலும் துடைப்பத்தை வைத்தால் வறுமை ஏற்படும். 

வாஸ்து படி, துடைப்பத்தை வீட்டின் தென்மேற்கு திசையில் மட்டும் தான் வைக்க வேண்டும். யாருடைய கண்ணிலும் படக்கூடாது. 

துடைப்பத்தை தூக்கி எறியவோ, எரிக்கவோ கூடாது. இந்த செயல் துடைப்பத்தை அவமதிப்பு செய்வது போலாகும். மகாலட்சுமி கோபித்து கொள்வாள். 

துடைப்பத்தை எப்போதும் நிற்க வைக்காதீர்கள். தரையில் படுக்க வைக்கும் நிலை நல்லது. 

நீங்கள் மறந்து அல்லது தவறுதலாக துடைப்பத்தில் காலடி வைத்தால், மகாலட்சுமியிடம் மன்னிப்பு கேளுங்கள். துடைப்பம் பயன்படுத்தும்போது இந்த விதிகளை பின்பற்றினால் செல்வம் குவியும்.