பல்லிகளை விரட்டலாம்

பல்லிகள் பெரிய பிரச்சனைகள் இல்லை என்றாலும், அவற்றைக் காண்பது பலருக்கும் பிடிக்காது. சிறிது நேரம் வீட்டில் யாருமில்லை என்றாலும், பல்லிகள் கூட்டமாக வீட்டிற்குள் வந்துவிடும்.

பல்லிகளுக்குப் பிடிக்காத ஒன்று மிளகு. பல்லி வருகின்ற இடங்களில் மிளகு ஸ்ப்ரே அடிக்கலாம். மிளகு, மிளகாய் தூள், நீர் கலந்து ஸ்ப்ரே செய்தால் போதும்.

பல்லிகள் வருகின்ற இடங்களில் வினிகர் மற்றும் நீர் கலந்து தெளிக்கலாம். வினிகரின் கடுமையான வாசனையால் பல்லிகள் அந்த இடத்திற்கு வராது.

காபித்தூளின் கடுமையான வாசனை மற்றும் கரடுமுரடான தன்மை பல்லிகளுக்குப் பிடிக்காது. எனவே, பல்லிகள் வர வாய்ப்புள்ள இடங்களில் காபித்தூளைத் தூவினால் போதும்.

வெங்காயம் மற்றும் பூண்டின் கடுமையான வாசனை பல்லிகளுக்குப் பிடிக்காது. எனவே, வெங்காயம், பூண்டு அரைத்து நீரில் கலந்து தெளித்தால் பல்லிகள் வராது.

பல்லிகளை எளிதில் விரட்டப் பயன்படுத்தப்படும் ஒன்று புதினா. வீட்டினுள் புதினா வளர்த்தால் பல்லிகள் வருவதைத் தடுக்கலாம்.

முட்டை ஓட்டின் வாசனை பல்லிகளுக்குப் பிடிக்காது. எனவே, பல்லிகள் வருகின்ற இடத்தில் முட்டை ஓட்டை வைத்தால் பல்லித் தொல்லை குறையும்.

யூகலிப்டஸ் செடி பல்லிகளுக்குப் பிடிக்காது. எனவே, வீட்டினுள் யூகலிப்டஸ் செடி வளர்த்தால் பல்லிகள் வருவதைத் தவிர்க்கலாம்.