கொத்தமல்லி ரொம்ப நாள் ஃப்ரெஷ்ஷா இருக்க... இதோ டிப்ஸ்!

மார்க்கெட்டில் இருந்து கொத்தமல்லி வாங்கி வந்ததும், அதில் உள்ள பழுத்த, அழுகிய இலைகளை முதலில் நீக்கிவிட வேண்டும்.

கொத்தமல்லி ஃப்ரெஷ்ஷாக இருக்க வேண்டும் என்பதற்காக விற்பவர்கள் அதன் மீது தண்ணீர் தெளிப்பார்கள். ஆனால், அதை சேமித்து வைப்பதற்கு முன்பு, அந்த ஈரப்பதத்தை முழுவதுமாக உலர்த்த வேண்டும்.

கொத்தமல்லியை ஒரு டிஷ்யூ பேப்பரில் சுற்றி, காற்றுப் புகாத டப்பாவில் வைத்து ஃபிரிட்ஜில் வைக்கவும். இதனால், அது அதிக நாட்கள் இருக்கும்.

கொத்தமல்லி கட்டின் தண்டுப் பகுதியை ஒரு கிளாஸ் தண்ணீரில் வைத்து ஃபிரிட்ஜில் வைக்கலாம். ஆனால், அந்த தண்ணீரை தினமும் மாற்ற வேண்டும்.

சமைக்கும்போது, தேவையான அளவு கொத்தமல்லியை மட்டும் எடுத்துவிட்டு, மீதமுள்ளதை மீண்டும் ஃபிரிட்ஜில் வைத்துவிட வேண்டும். இந்த எளிய டிப்ஸை ஃபாலோ செய்தால், கொத்தமல்லி வீணாவதைத் தடுக்கலாம்