சத்துக்கள் நிறைந்த சர்க்கரைவள்ளி கிழங்கு யார் சாப்பிடக் கூடாது?

சர்க்கரைவள்ளி கிழங்கில் நார்ச்சத்து அதிகமாக உள்ளதால் இதை அதிகமாக சாப்பிட்டால் வாயு, வீக்கம், அஜீரணம் போன்ற பிரச்சனைகளுக்கு வழிவகுக்கும்.

சிறுநீரக கற்களை உருவாகும் ஆக்சலேட் இதில் உள்ளது. இதுதவிர பொட்டாசியமும் அதிகமாக உள்ளதால் சிறுநீரக பிரச்சனை உள்ளவர்கள் இதை சாப்பிட வேண்டாம்.

சர்க்கரைவள்ளி கிழங்கில் இயற்கையாகவே சர்க்கரை உள்ளதால் சர்க்கரை நோயாளிகள் இதை அளவாக சாப்பிடுங்கள். இல்லையெனில் பிரச்சனையாகிடும்.

சர்க்கரை வள்ளி கிழங்கில் பொட்டாசியம் அதிகமாக உள்ளதால் பிபி உள்ளவர்கள் அல்லது அதற்கு மருந்து எடுத்துக் கொள்பவர்கள் இதை குறைவாக சாப்பிடுங்கள்.

சர்க்கரைவள்ளி கிழங்கில் கலோரிகள் அதிகமாக உள்ளதால் இது உடல் எடையை அதிகரிக்கும். உடல் எடையை குறைக்க நினைப்பவர்கள் இதை சாப்பிட வேண்டாம்.

சர்க்கரைவள்ளி கிழங்கில் தைராய்டு எதிர்ப்பு பண்புகள் உள்ளதால் இது தைராய்டு சுரப்பியின் செயல்பாட்டை மோசமாக பாதிக்கும். எனவே இந்த பிரச்சனை உள்ளவர்கள் இதை குறைவாக சாப்பிடுங்கள்.

சக்கரைவள்ளி கிழங்கு சிலருக்கு ஒவ்வாமையை ஏற்படுத்தும். இதை சாப்பிட்டால் சிவத்தல், அரிப்பு, சுவாசிப்பதில் சிரமம் போன்ற அறிகுறிகள் ஏற்பட்டால் உடனே சாப்பிடுவதை நிறுத்துங்கள்.

சர்க்கரைவள்ளி கிழங்கில் இருக்கும் பீட்டா கரோட்டின் உடலில் வைட்டமின் ஏ ஆக மாறுவதால், அதை அதிகமாக சாப்பிட்டால் தலைவலி, வாந்தி, கல்லீரல் பிரச்சனை ஏற்படும்.