ஒரு சின்ன குச்சி போதும்... செலவே இல்லாம இந்த செடிகளை வளர்க்கலாம்

பெரிய செலவு எதுவும் இல்லாமல் புதுசா செடி வளர்க்கணும்னா, செடியின் தண்டு அல்லது குச்சியை வெட்டி நடுவதுதான் ரொம்ப சுலபமான வழி. 

ரோஜா, செம்பருத்தி, மல்லிகை, குண்டு மல்லி, டேலியா, போகன்வில்லா போன்ற பூச்செடிகளை, அவற்றின் தண்டு மூலமாக ரொம்ப ஈஸியாக வளர்க்க முடியும்.

மணி பிளான்ட், ஸ்னேக் பிளான்ட், டர்டில் வைன், மான்ஸ்டெரா போன்ற கொடி வகை செடிகளையும் இந்த முறையில் சுலபமாக வளர்க்கலாம்.

செடியின் குச்சி 4-6 இன்ச் நீளம் இருக்க வேண்டும் (நமது உள்ளங்கை நீளத்தை விட கொஞ்சம் அதிகம்). 2-3 கணுக்கள் இருக்கும் ஆரோக்கியமான ஒரு கிளையைத் தேர்ந்தெடுங்கள்.

கிளையின் கீழ்ப்பகுதியில் உள்ள இலைகளை அகற்றிவிடுங்கள். குச்சியை நேராக வெட்டுவதற்குப் பதிலாக, ஒருபுறம் சாய்வாக (Cross) வெட்டுங்கள்.

இப்படி வெட்டிய கிளையை தண்ணீரில் அல்லது ஈரமான மண்ணில் நட்டு, நிழலான இடத்தில் வையுங்கள்.

மண் எப்போதும் ஈரமாக இருக்கட்டும், ஆனால் அதிகமாக தண்ணீர் ஊற்ற வேண்டாம். பொதுவாக 10-20 நாட்களில் வேர்கள் வர ஆரம்பிக்கும். 3-4 வாரங்களில் ஒரு புதிய செடி தயாராகிவிடும்.