மீன் வாடையை போக்க டிப்ஸ்

மீனை எவ்வளவுதான் கழுவினாலும், அந்த கவுச்சி வாடை மட்டும் போகாது என்று நிறைய பேர் சொல்வார்கள். மீன் வாடையை போக்கி குழம்பினை மணக்க வைக்கும் வழிகள் குறித்து பார்க்கலாம்.

ஒரு கப் சோள மாவில் மூன்று டேபிள் ஸ்பூன் எலுமிச்சை சாறு சேர்த்து, மீன் துண்டுகளின் மீது நன்றாகத் தேய்க்கவும். இதனால் மீனின் மீதுள்ள பிசுபிசுப்பும், கெட்ட வாடையும் நீங்கிவிடும்.

மீன் துண்டுகளை ஒரு பாத்திரத்தில் போட்டு,  ஒரு கிளாஸ் பால் அல்லது சிறிதளவு தயிர் ஊற்றி 30 நிமிடங்கள் ஊற வைக்கவும். பின்னர், வெதுவெதுப்பான நீரில் கழுவினால் கவுச்சி வாடை இருக்காது.

மீன் குழம்பு அல்லது வறுவல் செய்யும்போது, சிறிது இஞ்சி-பூண்டு விழுது மற்றும் ஒரு சிட்டிகை மஞ்சள் தூள் சேர்க்கவும். இது வாடையை நீக்குவதோடு, குழம்பின் சுவையையும் இரட்டிப்பாக்கும்.