அயோத்தி ராமர் கோயில் திறப்பு விழா

அயோத்தியில் வரும் 22-ம் தேதி ராமர் கோயில் கும்பாபிஷேகம் நடைபெற உள்ளது. இந்த பிரம்மாண்ட விழா குறித்து நீங்கள் கட்டாய தெரிந்து கொள்ள வேண்டிய விஷயங்கள் இதோ..

பிரதமர் நரேந்திர மோடி, விளையாட்டு வீரர்கள், சினிமா பிரபலங்கள், தொழிலதிபர்கள், சாதுக்கள், என சுமார் 7,000 பேர் இந்த கும்பாபிஷேக விழாவில் கலந்துகொள்ள உள்ளனர்.

ஜனவரி 22-ம் தேதி அன்றே கோயில் கருவறையில் ராம் லல்லா அதாவது குழந்தை பருவ ராமரின் சிலை பிரதிஷ்டை செய்யப்பட உள்ளது. 

ராமர் கோயில் கும்பாபிஷேகத்திற்கான 7 நாள் பாரம்பரிய சடங்குகள் நேற்று முதல் தொடங்கி உள்ளது. இந்த சடங்குகள் வரும் 22-ம் தேதி வரை நடைபெறும். 

அயோத்தியில் ராமர் கோயில் கட்டுமானம் மற்றும் பிரம்மாண்ட சிலைகளின் புகைப்படங்களை ஸ்ரீராம ஜென்ம பூமி தீர்த்த ஷேத்ரா அறக்கட்டளை வெளியிட்டது. 

அயோத்தி ராமர் கோயில் பாரம்பரிய நாகர் பாணி முறையில் கட்டபப்ட்டப்பட்டுள்ளது. இந்த கோயில் மூன்று அடுக்குகளைக் கொண்ட , ஒவ்வொரு தளமும் 20 அடி உயரம் கொண்டது.

கோயிலின் முதல் தளத்தில், ஸ்ரீ ராம் தர்பார் இருக்கும். நிருத்ய மண்டபம், ரங் மண்டபம், சபா மண்டபம், பிரார்த்தனை மற்றும் கீர்த்தனை என மண்டபங்கள் அமைக்கப்பட்டுள்ளது.

ஜனவரி 22-ம் தேதி மக்கள் தங்கள் வீடுகளில் விளக்கேற்றி ராமர் கோயில் கும்பாபிஷேகத்தை தீபாவளி போல் கொண்டாட வேண்டும் என்று பிரதமர் மோடி வலியுறுத்தி உள்ளார்.